سید پرویز قیصر
ہندوستان کولکاتہ کے ایڈن گارڈنس میں کھیلے گئے سپر آٹھ کے آخری میچ میں ویسٹ انڈیز کے رومان پاول نے44 منٹ میں19 بالوں پر تین چوکوں اور دو چھکوں کی مدد سے34 رن بناکر ناٹ آوٹ رہے۔ انہوں نے دو چھکے لگاکر ویسٹ انڈیز کی جانب سے سب سے زیادہ چھکوں کا ریکارڈ اپنے نام کیا۔ وہ ٹونٹی ٹونٹی بین الاقوامی کرکٹ میں 150 چھکے لگانے والے ویسٹ انڈیز کے پہلے اور کل ملاکر ساتویں بلے باز بنے۔اس میچ کے اختتام تک دائیں ہاتھ کے اس بلے باز نے2017 سے اب تک جو117 میچ کھیلے ہیں انکی103 اننگوں میں 25.98 کی اوسط اور141.84 کے اسٹرائیک ریٹ کے ساتھ ایک سنچری اور دس نصف سنچریوں کی مدد سے2261 رن بنائے۔ وہ دو مرتبہ صفر کا شکار ہوئے اور انکا سب سے زیادہ اسکور107 رن ہے جو انہوں نے انگلینٖڈ کے خلاف برج ٹاون میں26 جنوری2022 کو71 منٹ میں53 بالوں پر چار چوکوں اور دس چھکوں کی مدد دے بنایا تھا اور ویسٹ انڈیز کی 20 رن کی جیت میں ایک اہم کردار ادا کیا تھا۔ٹونٹی ٹونٹی بین الاقوامی کرکٹ میں سب سے زیادہ چھکے لگانے کا اعزاز ہندوستان کے روہٹ شرما کے پاس ہے۔دائیں ہاتھ کے اس بلے باز نے2007 اور2024 کے درمیان جو159 ٹونٹی ٹونٹی بین الاقوامی میچ کھیلے ہیں انکی151 اننگوں میں32.05 کی اوسط اور140.89 کے اسٹرائیک ریٹ کے ساتھ پانچ سنچریوں اور32 نصف سنچریوں کے ساتھ4231 رن بنائے ہیں جس میں383 چوکے اور205 چھکے شامل ہیں۔ وہ12 مرتبہ صفر کا شکار ہوئے ہیں اور ان کا سب سے زیادہ اسکور آوٹ ہوئے بغیر121 رن ہے جو انہوں نے افغانستان کے ؒخلاف بنگلور میں17 جنوری2024 کو103 منٹ میں69 بالوں پر گیارہ چوکوں اور آٹھ چھکوں کی مدد سے بنایا تھا ۔ یہ میچ ٹائی رہا تھا اور دوسرے سپر اوور میں ہندوستان نے جیت اپنے نام کی تھی۔متحدہ عرب امارات کے محمد وسیم ٹونٹی ٹونٹی بین الاقوامی کرکٹ میں دوسرے سب سے زیادہ چھکے لگانے والے بلے باز ہیں۔ دائیں ہاتھ کے اس بلے باز نے2021 سے اب تک جو97 میچ کھیلے ہیں انکی 97 اننگوں میں36.68 کی اوسط اور150.56 کے اسٹرائیک ریٹ کے ساتھ تین سنچریوں اور26 نصف سنچریوں کی مدد سے جو 3338 رن بنائے ہیں اس میں193 چھکے بھی شامل ہیں۔ وہ چھ مرتبہ اپناکھاتہ کھولنے میں ناکام رہے ہیں اور ان کا سب سے زیادہ اسکور112 رن ہے جو انہوں نے آئیر لینڈ کے خلاف الامرات میں24 فروری 2022 کو66 بالوں پر سات چوکوں اور آٹھ چھکوں کی مدد سے بنایا تھا۔اس میچ میں انکی ٹیم سات وکٹ سے جیتی تھی۔ٹونٹی ٹونٹی بین الاقوامی کرکٹ میں تیسرے سب سے زیادہ چھکوں کا ریکارڈ ہندوستان کے سوریہ کمار یادو کے پاس ہے جنہوں نے2021 سے اب تک جو111 ٹونٹی ٹونٹی بین الاقوامی میچ کھیلے ہیں انکی105 اننگوں میں37.05 کی اوسط اور162.96 کے اسٹرائیک ریٹ کے ساتھ چار سنچریوں اور25 نصف سنچریوں کی مدد سے3261 رن بنائے ہیں جس میں178 چھکے بھی شامل ہیں۔ وہ چھ مرتبہ اپنا کھاتہ کھولنے میں ناکام رہے ہیں اور ان کا سب سے زیادہ اسکور117 رن ہے جو انہوں نے انگلینڈ کے خلاف ناٹنگھم میں10 جولائی 2022 کو88 منٹ میں55 بالوں پر چودہ چوکوںاور چھ چھکوں کی مدد سے بنایا تھا۔ اس میچ میں ہندوستان کو 17 رن سے شکست ہوئی تھی۔انگلینڈ کے جوس ؓنٹلر اس فہرست میں چوتھے مقام پر ہیں۔ دائیں ہاتھ کے اس بلے باز نے2011 سے اب تک جو154 میچ کھیلے ہیں انکی142 اننگوں میں33.71 کی اوسط اور 147.77 کے اسٹرائیک ریٹ کے ساتھ ایک سنچری اور28 نصف سنچریوں کی مدد سے 4012 رن بنائے ہیں جس میں174 چھکے بھی شامل ہیں۔ دس مرتبہ وہ اپنا کھاتہ کھولنے میں ناکام رہے ہیں اور ان کا سب سے زیادہ اسکور آوٹ ہوئے بغیر101 رن ہے جو انہوں نے سری لنکا کے خلاف شارجہ میں یکم نومبر2021 کو104 منٹ میں67 بالوں پر چھ چوکوں اور اتنے ہی چھکوں کی مدد سے بنایا تھا۔ اس میچ میں انکی ٹیم کو 26 رن سے کامیابی ملی تھی۔ نیوزی لینڈ کے مارٹین گپٹل ٹونٹی ٹونٹی بین الاقوامی کرکٹ میںپانچویںسب سے زیادہ چھکے لگانے والے بلے باز ہیں۔ دائیں ہاتھ کے اس بلے باز نے2009 اور2022 کے درمیان جو122 ٹونٹی ٹونٹی بین الاقوامی میچ کھیلے ہیں انکی118 اننگوں میں 31.81 کی اوسط اور 135.70 کے اسٹرائیک ریٹ کے ساتھ دو سنچروں اور بیس نصف سنچریوں کی مدد سے3531 رن بنائے ہیں جس میں309 چوکے اور 173 چھکے شامل ہیں۔ وہ تین مرتبہ اپنا کھاتہ کھولنے میں ناکام رہے ہیں اور ان کا سب سے زیادہ اسکور105 رن ہے جو انہوں نے آسڑیلیا کے خلاف آکلینڈ میں16 فروری2018 میں74 منٹ میں54 بالوں پر چھ چوکوں اور نو چھکوں کی مدد سے بنایا تھا۔ اس میچ میں انکی ٹیم کو پانچ وکٹ سے شکست ہوئی تھی۔آسڑیلیا کے گلین میکسویل اس فہرست میں چھٹے مقام پر ہیں۔ انہوں نے 2012 سے اب تک جو130 ٹونٹی ٹونٹی بین الاقوامی میچ کھیلے ہیں انکی118 اننگوں میں28.97 کی اوسط اور 154.42 کے اسٹرائیک ریٹ کے ساتھ پانچ سنچریوں اور12 نصف سنچریوں کی مدد سے2897 رن بنائے ہیں جس میں150148 چھکے شامل ہیں۔وہپانچ مرتبہ اپنا کھاتہ کھولنے میں ناکام رہے ہیں اور ان کا سب سے زیادہ اسکور آوٹ ہوئے بغیر145 رن ہے جو انہوں نے سری لنکا کیخلاف پالے کیلے میں6 ستمبر2016 کو65 بالوں پر چودہ چوکوں اور نو چھکوں کی مدد سے بنایا تھا اور اپنی ٹیم کو 85 رن سے کامیابی دلائی تھی۔
