حیدرآباد ، (یواین آئی ) ہاکی انڈیا نے اعلان کیا ہے کہ حیدرآباد، تلنگانہ میں ہونے والے ایف آئی ایچ ہاکی ورلڈ کپ 2026 کوالیفائر کے لیے ٹکٹوں کی فروخت پیر (2 مارچ) سے شروع ہو گئی ہے۔ شائقین کی زیادہ سے زیادہ شرکت یقینی بنانے کے لیے ٹکٹوں کی قیمتیں انتہائی مناسب رکھی گئی ہیں۔ ایسٹ اسٹینڈ کے لیے 100 روپے، نارتھ اسٹینڈ کے لیے 50 روپے اور ساؤتھ اسٹینڈ کے لیے 25 روپے مقرر کیے گئے ہیں۔یہ اہم ٹورنامنٹ 8 سے 14 مارچ تک حیدرآباد کے جی ایم سی بالیوگی ہاکی گراؤنڈ میں کھیلا جائے گا۔اگست 2026 میں بیلجیئم اور نیدرلینڈز میں ہونے والے ورلڈ کپ کے تین کوالیفیکیشن اسپاٹس کے لیے 8 ٹیمیں مدمقابل ہوں گی۔ ٹیموں کو دو گروپس میں تقسیم کیا گیا ہے۔پول اے: انگلینڈ، کوریا، اٹلی اور آسٹریا۔پول بی: ہندوستان(میزبان)، اسکاٹ لینڈ، یوراگوئے اور ویلز ہندوستانی ٹیم اپنی مہم کا آغاز 8 مارچ کو یوراگوئے کے خلاف کرے گی۔8 مارچ: بمقابلہ یوراگوئے9 مارچ: بمقابلہ اسکاٹ لینڈ11 مارچ: بمقابلہ ویلزہاکی انڈیا کے صدر دلیپ ٹرکی نے شائقین کو خوش آمدید کہتے ہوئے کہا کہ اس بڑے ٹورنامنٹ کی میزبانی کرنا ہندوستانی ہاکی کے لیے فخر کی بات ہے۔ ہمیں یقین ہے کہ سپورٹرز بڑی تعداد میں آکر کھلاڑیوں کا حوصلہ بڑھائیں گے۔”سیکرٹری جنرل بھولا ناتھ سنگھ نے کہا کہ ٹکٹوں کی کم قیمت کا مقصد خاندانوں، طلباء اور نوجوان کھلاڑیوں کو بین الاقوامی ہاکی کا لائیو تجربہ فراہم کرنا ہے۔
