سید پرویز قیصر
ہندوستان اور سری لنکا میں مشترکہ ظور پر ہوئے دسویں عالمی کپ میں چھکوں کا نیا ریکارڈ بنانا۔ اس ٹورنامنٹ میں54 میچوں کی106 اننگوں میں152 کھلاڑیوں نے780 چھکے نمارے۔ پاکستان اور نیوزی لینڈ کے مابین میچ ٹاس کے بعد بارش کی نذر ہوا تھا جبکہ زمبابوے اور آئیرلینڈ کے درمیان ٹاس بھی نہیں ہوسکا تھا۔ ٹاس کے بعد میچ ریکارڈ بک کا حصہ بن جاتا ہے جبکہ آگر ٹاس نہ ہو تو وہ میچ شمار نہیں کیا جاتا۔ایک ٹونٹی ٹونٹی عالمی کپ میں اس سے پہلے سب سے زیادہ چھکے2024 میں امریکہ اور ویسٹ انڈیز میں مشترکہ طور پر ہوئے عالمی کپ میں مارے گئے تھے۔ اس ٹورنامنٹ میں52 میچوں کی103 اننگوں میں136 بلے بازوںنے517 چھکے جڑے تھے۔
جہاں تک انفرادی طور پر چھکے لگانے کا سوال ہے تو اس میں سب سے زیادہ چھکے ہندوستان کے افتتاحی بلے باز سنجو سیمسن نے مارے ہیں۔ اس ٹورنامنٹ میں انہیں پانچ میچوں کھیلنے کا موقع ملا جنکی پانچ اننگوں میں انہوں نے80.25 کی اوسط اور199.37 کے اسٹرائیک ریٹ کے ساتھ321 رن بنائے جس میں24 چھکے شامل تھے۔ نیوزی لینڈ کے افتتاحی بلے باز فن ایلن چھکے لگانے کے معاملہ میں دوسرے مقام پر رہے۔ انہوں نے نو میچوں کی آٹھ اننگوں میں49.66 کی اوسط اور200 کے اسٹرائیک ریٹ کے ساتھ298 رن بنائے جس میں20 چھکے شامل تھے۔ ویسٹ انڈیز کے شائی ہوپ نے جو سات میچ کھیلے انکی سات اننگوں میں41.33 کی اوسط اور186.46 کے اسٹرائیک ریٹ کے ساتھ248 رن بنائے جس میں19 چھکے لگاکر وہ تیسرے سب سے زیادہ چھکے لگانے والے بلے باز رہے۔ سب سے زیادہ چھکے لگانے میں مشترکہ طور پر چوتھا مقام ہندوستان کے ایشان کشن اور پاکستان کے صاحبزادہ فراحان نے حاصل کیا۔ ایشان کشن نے نو میچوں کی نو اننگوں میں35.22 کی اوسط اور193.29 کے اسٹرائیک ریٹ کے ساتھ317 رن بنائے جس میں18 چھکے شامل تھے۔ صاحبزادہ فرحان نے اس عالمی کپ میں سب سے زیادہ رن بنائے۔ وہ سات میچوں کی چھ اننگوں میں0 76.6 کی اوسط اور160.25 کے اسٹرائیک ریٹ کے ساتھ383 رن بنانے میں کامیاب رہے جس میں انہوں نے18 مرتبہ بال کو باونڈڑی لائین کے باہر کی سیر کرائی تھی۔
اس مرتبہ تین بلے باز ایک اننگ میں آٹھ چھکوں کے ساتھ ایک اننگ میں مشترکہ طور پر سب سے زیادہ چھکے لگانے والے بلے باز رہے۔ پالے کیلے میں پاکستان کے خلاف28 فروری2026 کو ہوئے میچ میں سری لنکا کا داسن شاناکا نے39 منٹ میں31 بالوں پر آوٹ ہوئے بغیر76 رن بنائے تھے جس میں آٹھ چھکے شامل تھے۔ نیوزی لینڈ کے فن ایلن نے کولکاتہ میں جنوبی افریقہ کے خلاف 4 مارچ 2026 کو ہوئے سیمی فائنل میں62 منٹ میں33 بالوں پر آوٹ ہوئے بغیر پورے سو رن بنائے تھے جس میں آٹھ چھکے شامل تھے۔ انکی یہ سنچری ٹونٹی ٹونٹی عالمی کپ میں سب سے تیز سنچری بھی تھی۔ ہندوستان کے سنجو سیمسن نے8 مارچ2026 کو ہوئے فائنل میں نیوزی لینڈ کے خلاف 74 منٹ میں46 بالوں پر89 رن بنائے تھے جس میں آٹھ چھکے شامل تھے۔
ہندوستان کو اس عالمی کپ میں سب سے زیادہ چھکے لگانے کا اعزاز حاصل ہوا۔ اس کے نو کھلاڑیوں نے کل 106 چھکے مارے۔ یہ ٹونٹی ٹونٹی بین الاقوامی ٹورنامنٹ میں پہلا موقع تھا جو کسی ٹیم کے نکھلاڑی سو سے زیادہ چھکے مارنے میں کامیاب رہے۔ ویسٹ انڈیز کے نو کھلاڑیوں نے76 مرتبہ بال کو باونڈڑی لائین سے باہر پہنچایا۔ جنوبی افریقہ کی جانب سے آتھ بلے بازوں نے72 چھکے مارے۔
سب سے زیاد چھکے ہندوستان کے بالروں پڑے۔ ہندوستان کے خلاف 36 بلے بازوں نے74 چھکے مارے۔ انگلینڈ کے خلاف اس سے کم کم چھکے لگے۔ انگلینڈ کے خلاف31 بلے بازوں نے 72 چھکے جڑے۔ نیوزی لینڈ کے خلاف 67 چھکے مارے گئے اور یہ چھکے 30 بلے بزوں نے مارے۔
