دبئی، (یواین آئی ) ایان شبیر یوسف ان چند ہندوستانی فٹ بالرز میں سے ایک ہیں جو متحدہ عرب امارات میں پیشہ ورانہ سطح پر کھیل رہے ہیں۔ 21 سالہ ایان، جو یونائیٹڈ ایف سی کے لیے لیفٹ بیک کے طور پر کھیلتے ہیں، امید کرتے ہیں کہ ان کا سفر ہندوستان کے نوجوان کھلاڑیوں کے لیے تحریک کا باعث بنے گا۔ایان کا فٹ بال سے لگاؤ ان کے والد کی وجہ سے شروع ہوا، جو دبئی میں اسکول کی سطح پر فٹ بال کھیلا کرتے تھے۔ ایان نے اپنے کیریئر کا آغاز ‘النصر کلب سے کیا، جس کے بعد وہ شباب الاہلی، الوصل اور گلف یونائیٹڈ جیسے کلبوں کا حصہ رہے۔محض 17 سال کی عمر میں ایان کے والد کا انتقال ہو گیا، جو ان کے لیے ایک بڑا صدمہ تھا۔ ایان کا کہنا ہے کہ "وہ میری سب سے بڑی ترغیب تھے، اب میں جب بھی میدان میں اترتا ہوں، ان کا نام روشن کرنے کے لیے کھیلتا ہوں۔یونائیٹڈ ایف سی نے جولائی 2025 میں اطالوی ورلڈ کپ فاتح آندریا پیرلو کو اپنا ہیڈ کوچ مقرر کیا تھا۔ ایان پیرلو کے ساتھ کام کرنے کے تجربے کو لاجواب قرار دیتے ہیں۔وہ ایک بہترین انسان ہیں اور ہماری بہت مدد کرتے ہیں۔ وہ ایک لیجنڈ ہیں، ہم ان سے سیکھنے کا کوئی موقع ضائع نہیں کرتے۔ ایان کے مطابق، پیرلو کی ذہنیت صرف جیتنا ہے، چاہے وہ ٹریننگ ہو یا باقاعدہ میچ۔ہندوستانی شہریت رکھنے کی وجہ سے ایان کو لیگ میں جگہ بنانے کے لیے زیادہ محنت کرنا پڑی کیونکہ ہر ٹیم کو غیر اماراتی کھلاڑیوں کی محدود تعداد رکھنے کی اجازت ہوتی ہے۔ تاہم ایان اسے دباؤ کے بجائے اپنے لیے ایک چیلنج سمجھتے ہیں۔ایان کے مطابق پیرلو کے ساتھ کام کرنا ایک بڑا تجربہ ہے۔ ان کا کہنا ہے کہ پیرلو نہ صرف ایک عظیم کھلاڑی رہے ہیں بلکہ بطور کوچ بھی ٹیم کے کھلاڑیوں کی بھرپور رہنمائی کرتے ہیں اور ہر موقع پر جیتنے کی ذہنیت کو فروغ دیتے ہیں۔یو اے ای کی لیگز میں ماریو بالوٹیلی، کورٹ زوما اور انیستا جیسے بڑے ناموں کی شمولیت نے فٹ بال کا معیار بلند کر دیا ہے۔ان کا کہنا ہے کہ جنوبی ایشیا کے زیادہ تر نوجوان یورپ یا پریمئر لیگ میں کھیلنے کا خواب دیکھتے ہیں، لیکن وہ چاہتے ہیں کہ نوجوانوں کو یہ بھی معلوم ہو کہ متحدہ عرب امارات کی لیگوں میں بھی ایک کامیاب پیشہ ورانہ کیریئر بنایا جا سکتا ہے۔متحدہ عرب امارات میں فٹبال لیگ کا نظام کئی درجات پر مشتمل ہے۔ سب سے اوپریوای پرو لیگ ہے جس میں 14 پیشہ ور کلب شامل ہیں اور اس کے فاتح کواے ایف سی چمپین لیگ میں شرکت کا موقع ملتا ہے۔ اس کے بعد یو اے ای فرسٹ ڈویژن لیگ آتی ہے جہاں اس وقت یونائیٹڈ ایف سی کھیل رہی ہے، جبکہ دوسری اور تیسری ڈویژن ترقی پذیر ٹیموں کے لیے پلیٹ فارم فراہم کرتی ہیں۔2022 میں قائم ہونے والا یونائیٹڈ ایف سی تیزی سے ترقی کرتے ہوئے اپنی پہلی ہی سیزن میںیو اے ای سیکنڈ ڈویژن لیگ سے ترقی پا کر فرسٹ ڈویژن میں پہنچ گیا۔ جولائی 2025 میں کلب نے عالمی شہرت یافتہ اطالوی کھلاڑی انڈریا پیرلو کو ہیڈ کوچ مقرر کیا، جو کلب کے بلند عزائم کی عکاسی کرتا ہے۔اس وقت یونائیٹڈ ایف سی فرسٹ ڈویژن لیگ میں سرفہرست ہے اورDibba Al-Hisn پر چار پوائنٹس کی برتری کے ساتھ یو اے ای پرو لیگ میں ترقی کے مضبوط امکانات رکھتا ہے۔اپنے مستقبل کے بارے میں آیان کا کہنا ہے کہ ان کا سب سے بڑا خواب یو اے ای پرو لیگ جیتنا اور قومی ٹیم کی نمائندگی کرنا ہے۔ وہ امید کرتے ہیں کہ ان کی کامیابی ہندوستانی نوجوان فٹبالرز کے لیے ایک نئی راہ ہموار کرے گی۔
