وزیراعظم وشوکرما یوجنا کے تحت راجگیر میں دو روزہ نمائش اور تجارتی میلے کا افتتاح

بہارشریف (ایم ایم عالم) مرکزی وزیر برائے مائیکرو،اسمال اینڈ میڈیم انٹرپرائزز جیتن رام مانجھی نے بین الاقوامی کنونشن سینٹر راجگیر میں وزیراعظم وشوکرما یوجنا کے تحت ایم ایس ایم ای ڈیولپمنٹ اینڈ فیسیلیٹیشن آفس،پٹنہ کے زیر اہتمام دو روزہ نمائش اور تجارتی میلے کا افتتاح شمع روشن کر اور ربن کاٹ کر کیا گیا۔اس اسکیم سے وابستہ کاریگروں اور کاروباریوں کے تقریباً 110 اسٹالز پر مختلف قسم کی روایتی مصنوعات،بشمول بڑھئی،لوہار،کمہار،درزی،موچی اور سنار کی نمائش کی گئی۔ افتتاحی اجلاس میں 400 سے زائد دستکار کاروباری افراد،طلباء اور مختلف محکموں کے عہدیداران نے شرکت کی۔اپنے خطاب میں مرکزی وزیر جیتن رام مانجھی نے کہا کہ وزیراعظم وشوکرما یوجنا روایتی کاریگروں کو بااختیار بنانے اور انہیں جدید بازار سے جوڑنے کا ایک اہم ذریعہ ہے۔MSME-DFO پٹنہ کے ڈائریکٹر R.K. چودھری نے خطبہ استقبالیہ پیش کیا۔اس موقع پر ڈپٹی ڈیولپمنٹ کمشنر شبھم کمار،ڈسٹرکٹ انڈسٹریز سینٹر کے جنرل منیجر سچن کمار،ڈی آئی سی سی آئی بہار چیپٹر کے صدر کیپٹن ستیہ پرکاش،جوائنٹ ڈائریکٹر آر سی منڈل اور دیگر عہدیداروں نے بھی اپنے خیالات کا اظہار کیا۔تکنیکی سیشن میں ماہرین نے کاریگروں کو گورنمنٹ ای-مارکیٹ پلیس (GeM)، برانڈنگ،پیکیجنگ اور مارکیٹنگ کے بارے میں آگاہ کیا۔