نئی دہلی ،سماج نیوز سروس: عازمین حج کو تیسری اور آخری قسط جمع کرانے کے لیے حج کمیٹی آف انڈیا کی جانب سے سرکلر جاری کر دیا گیا ہے۔ جس میں بتایا گیا ہے کہ دہلی سے حج پر جانے والے عازمین حج کو کل 2,77,300روپےجمع کراچکے ہیں۔ جس کے تحت پہلی قسط 1,52,300روپے اور دوسری قسط 1,75000 روپےجمع کرائی جاچکی ہے۔ اور اب تیسری اور آخری قسط جمع کرانے کی تاریخ آج رات سے شروع ہوکر 31 مارچ آخری تاریخ ہے۔ دہلی والوں کے لیے تیسری قسط کی رقم 69,300 روپے ہے۔ جن عازمین نے قربانی لی ہے ان کو 86,580 روپے جمع کرنے ہوں گے۔جبکہ اہل تشیع بلگرم کے لیے 5,520 روپے اضافی ادا کرنے ہوں گے۔ جس کی سعودی ریال میں 230 ریال بنتے ہیں۔ اگر قربانی کی رقم ادائیگی کی بات کی جائے تو 17,280 روپے انڈین اور 720سعودی ریال ہے۔ اس طرح سے عازمین حج کا دہلی سے جانے پر 3,46,600روپے کل خرچ ہے۔ لیکن اس میں قربانی کا خرچ شامل نہیں ہے۔ حالانکہ گذشتہ سال کے مقابلے اس سال حج کے خرچے میں اضافہ ہوا ہے۔ حج کمیٹی آف انڈیا سے ملی جانکاری کے مطابق حج پر جانے والوںکی پہلی فلائٹ 4 اپریل سے شروع ہوکر 18 اپریل تک ہے۔ جبکہ واپسی 2 جون سے 30 جون تک رہے گی۔ یہ تمام جانکاری ان عازمین حج کے لیے ہے جو سرکاری طور پر اس سال حج پر جا رہے ہیں۔ حالانکہ گذشتہ دنوں کچھ اس طرح کی خبریں بھی موصول ہو رہی ہیں تھیں کہ اس مرتبہ عازمین حج کو حج کے دوران کھانے کی سہولت بھی دستیاب کرائی جائے گی۔ جس کا ان سے اضافی خرچ وصولا جائے گا۔ لیکن حج کمیٹی آف انڈیا کی کی جانب سے جاری نوٹیفکیشن میں حج کے دوران سعودی میں کھانا فراہم کرانے کا کوئی ذکر نہیں ہے۔ آپ کو بتا دیں کہ ہندوستان کے مختلف شہروں سے جانے والے عازمین حج کا خرچ الگ ا لگ ہے۔ بھارت کے کس شہر سے جانے پر سب سے کم خرچ ہے اس کی بات کریں تو احمدآباد سے 3,33,200 روپے ہیں جبکہ وجے واڑہ سے جانے پر 4,90000 روپے خرچ آئے گا۔
