واشنگٹن، (یو این آئی) امریکی صدر ڈونلڈ ٹرمپ نے اپنے الٹی میٹم واپس لیتے ہوئے ایرانی پاور پر حملے پانچ دن موخر کرنے کا حکم دے دیا۔ غیر ملکی میڈیا کے مطابق امریکی صدر ڈونلڈ ٹرمپ نے ایرانی پاور پلانٹس پر حملے 5 دن کیلیے موخر کرنے کا حکم دے دیا ہے۔ انہوں نے یہ اعلان سوشل میڈیا ایپ ٹروتھ پر کیا۔ اس حوالے سے صدر ٹرمپ کا کہنا ہے کہ ایران کے ساتھ بہت اچھے اور نتیجہ خیز مذاکرات ہوئے ہیں اور مشرق وسطیٰ میں تمام مسائل کے مکمل خاتمے پر بات چیت جاری ہے۔ ان کا کہنا تھا کہ امریکی فوج کو ایرانی پاور پلانٹس پر حملے 5 دن کے لیے موخر کرنے کی ہدایت کر دی ہے۔ تاہم یہ فیصلہ مذاکرات کی کامیابی سے مشروط ہوگا۔ واضح رہے کہ آبنائے ہرمز کھولنے کے لیے صدر ٹرمپ نے گزشتہ روز ایران کو 48 گھنٹے کا الٹی میٹم دیا تھا اور یہ مہلت منگل کی صبح 5 بجے پوری ہو رہی تھی۔ تاہم ایران نے اس الٹی میٹم کے جواب میں دھمکی دی کہ اگر ایران کے پاور پلانٹس یا ساحل پر حملے کیے گئے تو خلیج فارس کو مکمل طور پر بند کر دیا جائے گا، جس کی ذمہ داری حملہ کرنے والے دشمنوں پر عائد ہوگی۔ امریکی اخبار نیویارک ٹائمز نے ایران جنگ کے پس منظر میں اسرائیلی منصوبے کا بھانڈا پھوڑ دیا ہے۔ نیویارک ٹائمز کے مطابق اسرائیل کا منصوبہ ایران کے اندر بغاوت بھڑکانا تھا، تاہم اس کی یہ امیدیں دم توڑ گئیں جب کہ اس کے ساتھ امریکی صدر ڈونلڈ ٹرمپ کی امیدوں پر بھی پانی پھر گیا۔ رپورٹ میں ایرانی نظام کے خلاف سازشوں کے بڑے انکشافات کیے گئے اور کہا گیا کہ اسرائیل نے اندرونی بغاوت کے ذریعے نظام گرانے کی کوشش کی، لیکن اس کی یہ حکمت عملی مطلوبہ نتائج نہ دے سکی، اور ایران میں بڑے پیمانے پر عوامی بغاوت کا منصوبہ ناکام ہوگیا۔ تجزیہ کاروں کے مطابق سخت حکومتی کنٹرول بغاوت کی راہ میں بڑی رکاوٹ بنی، سیکیورٹی کریک ڈاؤن نے احتجاجی لہر کو محدود رکھا، ایران میں کرد قوتوں کے استعمال پر امریکی دلچسپی کم ہوگئی۔ رپورٹ میں یہ بھی انکشاف کیا ہے کہ اسرائیلی وزیراعظم نیتن یاہو نے موساد کی امیدوں پر ایران کے خلاف یہ موقف اپنایا اور ایران میں بغاوت کے امکان کو بنیاد بنا کر امریکا کو قائل کیا گیا۔ امریکی انٹیلی جنس کے مطابق ایرانی حکومت کے خاتمے کا امکان کم تھا۔ اس کے برعکس اسرائیلی خفیہ ایجنسی کو ایران میں بغاوت کی بڑی امید تھی۔امریکی صدر ڈونلڈ ٹرمپ کا آبنائے ہرمز کو کھولنے کے لیے ایران کو دیے گئے الٹی میٹم کے 18 گھنٹے باقی رہ گئے۔ امریکی صدر ٹرمپ نے گزشتہ روز آبنائے ہرمز کھولنے کیلیے ایران کو 48 گھنٹے کا الٹی میٹم دیا تھا، جس کا ایک دن سے گزر چکا ہے اور اب اس الٹی میٹم کو ختم ہونے میں صرف 18 گھنٹے باقی رہ گئے ہیں۔ ٹرمپ نے پاکستانی وقت کے مطابق اتوار کی صبح 5 بجے ٹروتھ سوشل پر پوسٹ میں الٹی میٹم دیا تھا۔ انہوں نے ٹروتھ سوشل پر ایران کو آبنائے ہرمز کھولنے کے لیے 48 گھنٹے کا الٹی میٹم دیتے ہوئے آبنائے ہرمز نہ کھولنے پر سخت کارروائی کرتے ہوئے ایران کے بجلی گھروں کو تباہ کرنے کی دھمکی دی تھی۔ اسی حوالے سے اسرائیل اخبار کو دیے گئے انٹرویو میں ٹرمپ نے کہا ایران نے دیے گئے الٹی میٹم کا نتیجہ اچھا نکلے گا۔
