دربھنگہ (پریس یلیز)دربھنگہ صدر بلاک واقع مُریا پنچایت کے مُریا گائوں کے طلبہ و طالبات نے انٹرمیڈیٹ امتحان 2026میں اپنی تعلیمی صلاحیتوں کا پرچم لہرا کر نہ صرف اپنے والدین بلکہ اپنے علاقے کا نام روشن کیا ہے۔ طلبا کی اس کامیابی پر قرب وجوار میں خوشی کی لہر دوڑ گئی ہے اور ہر طرف سے مبارک بادیوں کا سلسلہ جاری ہے۔اطلاعات کے مطابق مُریا میں واقع اقراء اردو کلاسیز سے تیاری کرنے والے طلبہ و طالبات نے اردو مضمون میں اعلیٰ نمبر حاصل کر فرسٹ ڈویژن سے کامیاب ہوئی ہیں اورمادری زبان اردو سے عدم دلچسپی رکھنے والے طلبا کے لیے ایک واضح پیغام بھی دیا ہے۔آرٹس فیکلٹی میں کہکشاں جاوید بنت محمد جاوید نے 500میں 433نمبرات حاصل کرکے بہترین کارگردگی کا مظاہر ہ کیا۔ کہکشاں نے اردو مضمون میں 94نمبر حاصل کیے۔ شیخ محمد شمامہ ابن عبد القادر نے 380نمبرات حاصل کیے جبکہ اردو مضمون میں سب سے زیادہ 98نمبر حاصل کر ضلع ٹاپر ہوئے۔وصی احمد ابن محمد صغیر عالم نے کُل394نمبرات حاصل کیا، ساتھ ہی اردو مضمون میں 97نمبر لا کر نمایاں مقام حاصل کیے۔ ذکرا پروین بنت محمد سجاد نے ;500میں 409نمبر ات حاصل کر علاقے کا نام روشن کی، ذکرا پروین نے اردو مضمون میں 96نمبر حاصل کیے۔ اسی طرح سعیدا آفرین بنت محمد زبیر نے 397(اردو میں 91)، محمد سلمان ابن عبد الحنان نے 339(اردو میں 93)، کلثوم پروین بنت محمد علی رضا نے 342(اردو میں 92)، صوفیہ تسکین بنت محمد گلاب نے 386(اردو میں 94) ، سیرت پروین بنت محمد عقیل نے 341(اردو میں 86)، رونق پروین بنت محمد راجانے 302(اردو میں 81)، ساہستہ بیگم بنت محمد رضی احمد نے 360(اردو میں 76)، آفرین پروین بنت محمد ربانی نے 319(اردو میں 66) ، فرحا ناز بنت محمد توحید عالم نے 308(اردو میں 65)نمبرات حاصل فرسٹ ڈویژن حاصل کی ۔غور طلب ہے کہ ان تمام کامیاب طلبہ و طالبات کے گائیڈ مشہور صحافی اوراردو ادب کے استاذ محمد عارف اقبال تھے، جن کی مکمل رہنمائی ،تعلیمی تربیت اور نگرانی میںطلبا نے کامیابی کے منازل طے کیے۔ اس موقع پرعارف اقبال کی جانب سے کامیاب ہونے والے طلبہ و طالبات کے اعزاز میں ایک تقریب ’’اقراء اردو کلاسیز‘‘ میں منعقد ہوئی جہاںطلبہ و طالبات کا استقبال گلپوشی اور منھ میٹھا کر کے کیا گیا ۔ کامیاب طلبا سے خطاب کرتے ہوئے عارف اقبال نے کہا کہ آپ لوگوں نے جس عزم و حوصلے سے کامیابی حاصل کی ہے وہ دوسرے طلبا کے لیے قابل تقلید ہے۔ آپ کی کامیابی کو دیکھ کر علاقے کے دوسرے طلبا بھی متاثر ہوں گے اور تعلیم کو اپنی زندگی کا مقصد بنائیں گے ۔عام طور سے اردو مضمون سے طلبا دور بھاگتے ہیں یا پھر اس جانب بے توجہی کرتے ہیں جس کا خمیازہ انہیں رزلٹ میں بھگتنا پڑتا ہے۔ آپ لوگوں نے اپنے مضامین میں سب سے زیادہ اردو مضمون میں نمبرحاصل کر دوسرے طلبا کو ایک پیغام دینے کی کوشش کی ہے کہ مادری زبان اردو مضمون پرمحنت کر اچھے نمبرات حاصل کیے جاسکتے ہیں۔ اس موقع پر طلبہ و طالبات نے بھی مختصر تاثرات پیش کرتے ہوئے استاذ عارف اقبال کاشکریہ ادا کرتے ہوئے کہا کہ محدود وسائل کے باوجود آپ نے جس طرح سے ہماری رہنمائی کی اسے لفظوں میں بیاں نہیں کیا جاسکتا۔ دیہی علاقوں میں تعلیم بالخصوص اردو کی تعلیم کو لیکر طلبا میں بے رغبتی پائی جاتی ہے، مگر آپ نے ہم طلبا کے دل و دماغ پر اردو زبان سے جو محبت اور اس کی عظمت نقش کرائی ہے انشاء اللہ وہ آگے بھی جاری رہے گا اور ہماری بھی کوشش ہوگی کہ اس اردو زبان کا حق ادا کرتے ہوئے اپنے گھروں اور قرب و جوار کے طلبا میں اردو زبان سیکھنے اور سکھانے کے لیے معاشرہ میں بیداری پیدا کریں تاکہ علاقے کا ہر بچہ اپنی اس مادری زبان سے آشنا ہو جائے۔
