لکھنؤ/میل وشارم،سماج نیوز سروس: سینئر صحافی اور قومی صحافت لکھنؤ کے گروپ ایڈیٹر شاہد خان کو تمل ناڈو کے رانی پیٹ ضلع میں واقع مشہور اور تاریخی اہمیت کا حامل علاقہ میل وشارم میں بیسٹ اردو ایڈیٹر 2025 کے ایوارڈ سے سرفراز کیا گیا۔ یہ اعزاز و اکرام میل وشارم دا نیشنل ویلفئر ایسوسی ایشن کی جانب سے ایسوسی ایشن کے میل وشارم میں واقع دفتر پر منعقد ایک اعزازی تقریب میں کیا گیا۔ یہ دوسرا موقع تھا کہ جب سینئر صحافی شاہد خان کو جنوبی ریاست کے میل وشارم میں اعزاز سے سرفراز کیا گیا۔ اس سے قبل گزشتہ سال بھی شاہد خان کی صحافتی خدمات کے اعتراف میں ایسوسی ایشن کی جانب سے اعزاز سے سرفراز کیا گیا تھا۔ جبکہ اس بار بیسٹ اردو ایڈیٹر 2025 کے ایوارڈ سے نوازا گیا۔ اس موقع پر اعزازی تقریب میں خصوصی طور سے میل وشارم دا نیشنل ویلفئر ایسوسی ایشن کے صدر کے محمد ایوب صاحب، نائب صدر کے محمد ادریس صاحب، قازان جی محمد فہیم صاحب، جائنٹ سیکرٹری کے او نشاط احمد صاحب، نائب صدر اے محمد تمیم صاحب، جوائنٹ سیکرٹری اے محمد انصر صاحب، ادارے کے ذمہ داران پی محمد ثاقب، یم محمد احتشام، محمد نواز کے او محمد ثاقب سلیمان اور محمد حذیفہ وغیرہ موجود تھے۔ اس موقع پر ایسوسی ایشن کے صدر کے محمد ایوب صاحب اور جوائنٹ سیکرٹری کے او نشاط احمد صاحب نے سینئر صحافی اور قومی صحافت لکھنؤ کے گروپ ایڈیٹر شاہد خان کی صحافتی خدمات کا اعتراف کرتے ہوئے کہا کہ سینئر صحافی شاہد خان کی خدمات نہ صرف قابل ذکر ہیں بلکہ قابل ستائشی بھی ہیں اور ان کی خدمات سے قومی صحافت لکھنؤ کی میل وشارم کے علاوہ چنئی اور ریاست تمل ناڈو کے مختلف علاقوں اور اضلاع میں بھی دھوم ہے اور عوام کے درمیان اخبار بےحد مقبول ہو رہا ہے۔ اخبار کی مقبولیت اور صحافتی خدمات کے اعتراف میں ہی اخبار کے گروپ ایڈیٹر شاہد خان کو بیسٹ اردو ایڈیٹر 2025 کے ایوارڈ سے نوازا جا رہا ہے۔ جبکہ اس موقع پر سینئر صحافی شاہد خان نے میل وشارم دا نیشنل ویلفئر ایسوسی ایشن کے صدر کے محمد ایوب صاحب اور جوائنٹ سیکرٹری کے او نشاط احمد صاحب سمیت تقریب میں موجود سبھی عہدیداران و اراکین اور معززدیگر لوگوں کا شکریہ ادا کیا۔ انھوں نے کہا کہ کہ ان کی کوشش رہے گی کہ میل وشارم اور چنئی سمیت پوری ریاست تمل ناڈو اور جنوبی خطے میں بھی لوگ ان کی صحافتی خدمات سے مستفید ہوں سکیں۔ غور طلب ہے کہ میل وشارم دا نیشنل ویلفئر ایسوسی ایشن ریاست تمل ناڈو کی ایک مشہور و معروف تنظیم ہے جو رانی پیٹ ضلع کے میل وشارم میں اپنی خصوصی اہمیت کی حامل ہے اور عوامی خدمات میں پیش پیش رہتی ہے۔ میل وشارم دا نیشنل ویلفئر ایسوسی ایشن کے صدر کے محمد ایوب صاحب اور جوائنٹ سیکرٹری کے او نشاط احمد صاحب سمیت سبھی عہدیداران اور کارکنان عوام الناس کی مدد کے لئے ہر طرح کی خدمات انجام دینے کے لئے تیار رہتے ہیں۔ انھوں نے بتایا کہ تنظیم کے ذریعے ایک تو نجی طور پر متعدد خدمات انجام دی جا رہی ہیں، جس میں تعلیم کے لیے مدد، سائیکلون اور طبی مدد، ٹریولنگ مدد، وظیفہ، بلینکث اور گھر کے لئے مدد اور آتشزدگی جیسے معاملات میں متاثرین کو بھرپور مدد فراہم کرانے کی کوشش کی جاتی ہے۔ ایسوسی ایشن کے صدر کے محمد ایوب صاحب اور کے او نشاط احمد صاحب نے بتایا کہ اس کے علاوہ حکومت کے تعاون سے بھی عوام کو مختلف طریقوں سے مدد مہیا کرانے کی بھرپور کوشش کی جاتی ہے۔ انھوں نے بتایا کہ اس طرح کی مدد اور خدمات میں پاسپورٹ کیمپ، ادھار کیمپ، نشیلی اشیاء مخالف بیداری مہم، گرین سٹی اویئرنیس، معذوروں کے لیے کیمپ، ڈرائیونگ لائسنس کیمپ،اور ووٹر آئی ڈی کیمپ جیسے مختلف پروگراموں کے انعقاد کے ساتھ ہی عوامی بہبودی اور فلاحی اسکیمیں چلائی جا رہی ہیں۔ جن کے ذریعہ مستحقین کو بھرپور فایدہ پہونچانے کی ہر ممکن کوشش کی جاتی ہے۔ ایسوسی ایشن کے صدر کے محمد ایوب صاحب اور جوایئنٹ سیکریٹری کے او نشاط احمد صاحب نے بتایا کہ تعلیمی سطح پر بھی ایسوسی ایشن کی جانب سے ہر ممکن کوشش کی جا رہی ہے ۔
