میامی گارڈنز، (یو این آئی )چیک جمہوریہ کی تجربہ کار ٹینس کھلاڑی کیرولینا موچووا نے کناڈا کی ابھرتی ہوئی نوجوان کھلاڑی وکٹوریہ مبوکو کو ایک سخت مقابلے کے بعد شکست دے کر پہلی بار میامی اوپن کے سیمی فائنل میں جگہ بنا لی ہے۔منگل کے روز کھیلے گئے کوارٹر فائنل میں 29 سالہ موچووا نے اپنے تجربے کا بھرپور فائدہ اٹھایا اور ورلڈ نمبر 9 وکٹوریہ مبوکو کو 7-5 اور 7-6 سے زیر کیا۔ یہ مقابلہ ایک گھنٹہ اور 47 منٹ تک جاری رہا، جس میں دونوں کھلاڑیوں کے درمیان ایک ایک پوائنٹ کے لیے سخت جنگ دیکھی گئی۔پہلا سیٹ 5-4 تک برابر رہا، جہاں ایک موقع پر موچووا 0-30 سے پیچھے تھیں، لیکن انہوں نے مسلسل چار پوائنٹس حاصل کر کے اسکور برابر کیا اور پھر سیٹ اپنے نام کر لیا۔ دوسرے سیٹ میں بھی مقابلہ ٹائی بریکر تک گیا جہاں موچووا نے اپنے اعصاب پر قابو رکھتے ہوئے کامیابی حاصل کی۔کامیابی کے بعد میڈیا سے گفتگو کرتے ہوئے موچووا نے کہایہ بہت ہی قریبی مقابلہ تھا، حقیقت میں آخری لمحات میں صرف ایک پوائنٹ کا فرق تھا۔ ٹینس میں حالات کبھی بھی بدل سکتے ہیں، میں شکر گزار ہوں کہ میں نے آخری پوائنٹ جیتا۔ وکٹوریہ ایک حیرت انگیز کھلاڑی ہیں۔”سیمی فائنل میں اب کیرولینا موچووا کا مقابلہ امریکہ کی کوکو گاف یا سوئٹزرلینڈ کی بیلنڈا بینچک میں سے کسی ایک سے ہوگا۔ یہ اہم مقابلہ جمعرات کو کھیلا جائے گا۔
