سید پرویز قیصر
جنوبی افریقہ نے کرائسٹ چرچ میں کھیلے پانچویں ٹونٹی ٹونٹی بین الاقوامی میچ میں نیوزی لینڈ کو33 رن سے شکست دیکر پانچ ٹونٹی ٹونٹی بین الاقوامی میچو ں کی سریز میں3-2 سے کامیابی حاصل کرلی۔ اس میچ میں ٹاس ہارنے کے بعد پہلے بلے بازی کرتے ہوئے جنوبی افریقہ نے مقررہ20 اوور میں چار وکٹ پر 187 رن بنائے تھے۔ نیوزی لینڈ نے مقررہ 20 اوور میں آٹھ وکٹ پر 154 رن نائے جس کی وجہ سے اسے میچ میں سریز دونوں گنوانے پڑے۔
اس سریز کا پہلا میچ ماونٹ مونگوئی میں15 مارچ 2026 کو کھیلا گیا تھا جس میں جنوبی افریقہ نے سات وکٹ سے جیت اپنے نام کی تھی۔ٹاس جیت کر پہلے بلے بازی کرتے ہوئے نیوزی لین کے سبھی کھلاڑی14.3 اوور میں91 رن بناکر آوٹ ہوئے تھے جو اسکا جنوبی افریقہ کے خلاف اپنے گھر پر سب سے کم اور کل ملاکر دوسرا سب سے کم اسکور ہے۔ جنوبی افریقہ نے16.4 اوور میں تین وکٹ پر 93 رن بناکر میچ سات وکٹ سے جیتا تھا اور سریز میں1-0 کی برتری حاصل کرلی تھی۔ ہملٹن میں 17مارچ 2026 ہوئے دوسرے ٹونٹی ٹونٹی بین الاقوامی میچ میں68 رن سے کامیابی حاصل کرکے سریز1-1 سے برابر کردی۔ نیوزی لینڈ نے ٹاس ہارنے کے بعد پہلے بلے بازی کرتے ہوئے مقررہ20 اوور میں چھ وکٹ پر175 رن بنائے تھے ۔ جنوبی افریقہ کے سبھی کھلاڑی15.3 اوور میں107 رن بناکر آوٹ ہوئے تھے جو اس کا نیوزی لینڈ کے خلاف اس قسم کے کرکٹ میں سب سے کم اسکور بھی ہے۔ آکلینڈ میں20 مارچ 2026 کو ہوئے میچ میں نیوزی لینڈ نے آٹھ وکٹ سے کامیابی حاصل کرکے سریز میں برتری حاصل کرلی تھی۔ ٹاس ہارنے کے بعد پہلے بلے بازی کرتے ہوئے جنوبی افریقہ نے مقررہ20 اوور میں نو وکٹ پر136 رن بنائے تھے۔ نیوزی لینڈ نے 16.2 اوور میں دو وکٹ پر 137 رن بناکر میچ میں جیت اپنے نام کی تھی۔ ویلنگٹن میں سریز کے چوتھے میچ میں جو 22 مارچ2026 کو کھیلا گیا تھا، جنوبی افریقہ نے19 رن سے کامیابی حاصل کرکے سریز ایک مرتبہ پھر برابر کردی تھی۔ اس میچ میں ٹاس جیت کر پہلے بلے بازی کرتے ہوئے مہمان ٹیم نے مقررہ20 اوور میں پانچ وکٹ پر164 رن بنائے تھے۔ نیوزی لینڈ کے سبھی کھلاڑی 18.5 اوور میں145 رن بناکر آوٹ ہوئے تھے جس کی وجہ سے اسے اس میچ میں شکست ہوئی۔
جنوبی افریقہ اور نیوزی لینڈ کے درمیان ابھی تک جتنی بھی دو یا اس سے زیادہ میچوں خٰ سریز ہوئی ہیں ان سب سے میں جیت جنوبی افریقہ نے حاصل کی ہے۔ نیوزی لینڈ نے ایک مرتبہ جنوبی افریقہ کو ٹونٹی ٹونٹی بین الاقوامی میچوں کی سریز میں شکست دی ہے مگر تب ایک ہی میچ سریزمیں کھیلا گیا تھا۔یہ بات اکتوبر 2005 کی ہے۔
جنوبی اریقہ اور نیوزی لینڈ کے درمیان ابھی تک ٹونٹی ٹونٹی بین الاقوامی کرکٹ میں دو یا اس سے زیادہ میچوں کی پانچ سریز کھیلی گئی ہیں جس میں جنوی افریقہ نے چار میں کامیابی حاصل کی ہے جبکہ ایک سریز برابر رہی ہے۔ اگست 2015 میں جنوبی افریقہ میں دونوں کے درمیان جو دو میچوں کی سریز ہوئی تھی اس میں دونوں نے ایک ۔ ایک میچ جیتا تھا۔ ڈربن میں میزبان ٹیم نے پہلا ٹونٹی تونٹی بین الاقوامی میچ چھ وکٹ سے جیتا تھا جبکہ مہمان ٹیم سنچوریں میں دوسر ا میچ32 رن سے جیتی تھی۔
