,؍تہران، (یواین آئی) ایرانی صدر مسعود پزشکیان نے کہا ہے کہ ایران نے ہمیشہ واضح کیا ہے کہ وہ کسی بھی جنگ یا حملے میں پہل نہیں کرتا، تاہم اگر اس کے بنیادی ڈھانچے یا اقتصادی مراکز کو نشانہ بنایا گیا تو سخت جواب دیا جائے گا۔ایک بیان میں مسعود پزشکیان نے کہا کہ ایران بارہا یہ مؤقف دہرا چکا ہے کہ وہ جارحیت کا آغاز نہیں کرتا لیکن اپنے مفادات اور سلامتی کے دفاع کا حق محفوظ رکھتا ہے۔انہوں نے خبردار کیا کہ اگر ایران کے اہم اقتصادی یا بنیادی ڈھانچے کو نشانہ بنایا گیا تو اس کا بھرپور اور فیصلہ کن ردعمل دیا جائے گا۔؎ایرانی صدر نے خطے کے ممالک سے بھی اپیل کی کہ وہ امن، ترقی اور علاقائی استحکام کے مفاد میں اپنی سرزمین کو ایران کے دشمنوں کے لیے استعمال نہ ہونے دیں۔ایران کا یہ پیغام ایسے وقت میں سامنے آیا ہے جب جنگ کو ایک ماہ سے زیادہ عرصہ گزر چکا ہے اور خلیج کے خطے کے کئی ممالک بھی اس تنازع کی لپیٹ میں آ چکے ہیں۔ مسعود پزشکیان نے پڑوسی ممالک کو پیغام دیتے ہوئے کہا ہے کہ اگر وہ “ترقی” اور “امن” چاہتے ہیں تو امریکہ اور اسرائیل کو اپنی سرزمین سے جاری جنگ کو چلانے کی اجازت نہ دیں۔انہوں نے کہا، “خطے کے ممالک سے کہنا چاہتا ہوں کہ اگر آپ ترقی اور سلامتی چاہتے ہیں تو ہمارے دشمنوں کو اپنی سرزمین سے اس جنگ کو چلانے کی اجازت نہ دیں۔
