سدھارتھ نگر ، سماج نیوز سروس: مسیحا اردو سوسائٹی کی جانب سے اتر پردیش اردو اکادمی کے اشتراک سے ایک سیمنار ، کا انعقاد ،اردو شاعری میں قومی یکجہتی و حب الوطنی عنوان کے تحت جنتا ٹنٹ ہاؤس ، اٹوا سدھارتھ نگر میں کیا گیا ، سیمنار کی صدارت سماجی کارکن اسرار احمد فاروقی نے کی، جبکہ نظامت کے فرائض مولانا آزاد نیشنل اردو یونیورسٹی لکھنؤ کیمپس کے ڈاکٹر مسیح الدین خان نے انجام دیے ، پروگرام میں مہمان خصوصی کی حیثیت سے ماہر فزیشین ڈاکٹر توصیف ایچ خاں نے شرکت کی اور مہمانِان ذی وقار کی حیثیت سے ابو الہشام خاں ، ممتاز صحافی عبد القدوس شاعر ہدایت اللہ شمسی ، جمال احمد قدوسی شریک ہوئے ، دیگر مقررین و مقالہ خواں میں ڈاکٹر عیاز احمد ، ماسٹر شاہد حسین،ماسٹرمحمد زبیر ،ماسٹر عبدالحلیم ، مولانا نعیم ارشد قاسمی، ماسٹر عبد الفرید خاں ، ماسٹر اسرائیل ،مولانا محمد مسلم ، عبارت حسین ، ماسٹر احمد ، سراج احمد ، وغیرہ شامل ہیں ، پروگرام کے آغاز میں سوسائٹی کے سر پرست عبد الحلیم خان و منتظمین پروگرام نے بیچ لگا کر مہمانوں کا استقبال کیا، سوسائٹی کی جانب سے چار شخصیات کو ان کی نمایاں خدمات کے اعتراف میں ایوارڈ ، شال و توصیفی سند سے نوازا گیا ، ان میں سماجی خدمات کے لیے اسرار احمد فاروقی کو صحا فتی خدمات کے لیے ممتاز صحافی عبد القدوس کو تدریسی خدمات کے لیے ابو الہشام خاں کو، اور سماجی خدمات کے لیے احمد خاں کو شال ، مومنٹو مڈل اور سرٹیفکیٹ پیش کر کے اعزاز سے نوازا گیا ۔ نظامت کرتے ہوئے سوسائٹی کے بانی ڈاکٹر مسیح الدین خان نے کہا کہ یہ موضوع بہت وسیع ہے ، ہماری اردو کی شاعری میں قومی و یکجہتی بھری پڑی ہے ۔ شعراء نے قومی یکجہتی و حب الوطنی کو اپنا موضوع بنایا ہے ۔ سیمنار کے صدر اسرار احمد فاروقی نے کہا کہ یہ سیمنار ہمارے یہاں اٹوا میں ہو رہا ہے ، ہمیں بہت خوشی ہورہی ہے کہ اتنے اہم موضوع پر آپ نے سیمنار کا انعقاد کیا ، آج اردو پوری دنیا میں مقبول ہے ، اور دن بدن اردو ترقی کی راہ پر گامزن ہے ۔ مہمان شاعر ہدایت اللہ شمسی نے اردو شاعری پر اپناطویل مقالہ پیش کیا ، اور اردو شاعری کے حوالے سے نثری اور شعری کلام پیش کیا ، جمال احمد قدوسی نے اظہار خیال کرتے ہوئے اپنا شعری کلام بھی پیش کیا ۔ دیگر حضرات نے اردو لکھنے پڑھنے پر زور دیا، سیمنار میں ان کے علاوہ نیاز احمد ، دانش مظہر، سراج ،احمد، احمد خاں وغیرہ موجود تھے ۔ پروگرام کے آخر میں سوسائٹی کے سرپرست عبد الحلیم و بانی سوسائٹی ڈاکٹر مسیح الدین خان نے سبھی حضرات کا شکریہ ادا کیا ، و پروگرام کے اختتام کا اعلان کیا۔
