دبئی، (یواین آئی )متحدہ عرب امارات (یو اے ای) میں ایندھن کی قیمتوں میں غیر معمولی اضافہ کر دیا گیا ہے، جس کے بعد پیٹرول اور ڈیزل کی قیمتیں تاریخ کی بلند ترین سطح پر پہنچ گئی ہیں۔ عالمی منڈی میں خام تیل کی قیمتوں میں استحکام کے باوجود مقامی سطح پر یہ اضافہ صارفین کے لیے بڑا جھٹکا ثابت ہوا ہےہسب سے زیادہ اثر ڈیزل کی قیمت پر پڑا ہے جس میں 70 فیصد کا بڑا اضافہ ریکارڈ کیا گیا ہے۔ سپر پیٹرول کی فی لیٹر قیمت 2.59 درہم سے بڑھ کر 3.39 درہم جبکہ فیول اسپیشل 95 پیٹرول کی فی لیٹر قیمت 2.48 درہم سے بڑھ کر 3.28 درہم ہوگئی۔ای پلس 91 پیٹرول کی فی لیٹر قیمت 2.40 درہم سے بڑھ کر 3.20 درہم جبکہ ڈیزل کی فی لیٹر قیمت 2.72 درہم سے بڑھ کر 4.69 درہم ہو گئی۔معاشی ماہرین کا کہنا ہے کہ ڈیزل کی قیمت میں اس قدر اضافے سے مال برداری اور تعمیراتی شعبے کے اخراجات میں اضافہ ہوگا، جس کا براہِ راست اثر اشیائے خوردونوش کی قیمتوں پر پڑ سکتا ہے۔علاقائی صورتحال اور عالمی منڈیمشرقِ وسطیٰ میں جاری جنگی صورتحال اور سپلائی چین میں تعطل کے باعث خلیجی ممالک میں ایندھن کی قیمتوں پر دباؤ بڑھا ہے۔ اگرچہ عالمی منڈی میں خام تیل کی قیمتیں بلند سطح پر مستحکم ہیں، تاہم ریفائننگ کے اخراجات اور علاقائی خطرات کے پیشِ نظر یو اے ای انتظامیہ نے قیمتوں میں یہ بڑا ردوبدل کیا ہے۔
