نئی دہلی، (یو این آئی) کانگریس کے سابق صدر اور لوک سبھا میں اپوزیشن لیڈر راہل گاندھی نے اسمارٹ سٹی پروجیکٹ کے تعلق سے مودی حکومت پر حملہ کرتے ہوئے منگل کو اسے دھوکہ قرار دیا اور کہا کہ یہ منصوبہ اپنے مقصد سے بھٹک گیا ہے اور عام شہریوں کو اس سے کوئی فائدہ نہیں پہنچا۔راہل گاندھی نے ایک بیان میں الزام لگایا کہ پروجیکٹ کے تحت شہروں کی مجموعی ترقی کے بجائے محدود علاقوں میں کام کر کے اسے بڑی کامیابی کے طور پر پیش کیا گیا، جبکہ زمینی سطح پر بنیادی سہولیات میں متوقع بہتری نہیں آئی۔ انہوں نے کہا”کوئی بھی شہر تب تک اسمارٹ نہیں ہو سکتا، جب تک وہ اپنے شہریوں کو صاف پانی، شفاف ہوا اور سکیورٹی جیسی بنیادی وقار فراہم نہیں کرتا۔ اسمارٹ سٹی مشن کے تحت تقریباً 48 ہزار کروڑ روپے خرچ ہونے اور 97 فیصد پروجیکٹس مکمل ہونے کا دعویٰ کیا گیا، لیکن اصل صورتحال اس سے بالکل مختلف ہے۔”کانگریس لیڈر نے سوال اٹھایا کہ کتنے شہروں میں واقعی ٹھوس تبدیلی آئی اور لوگوں کی زندگی میں کیا بہتری ہوئی۔ انہوں نے کہا کہ آلودہ پانی، کھلے سیور، گرتے ہوئے پل اور دھنستی ہوئی سڑکیں اس منصوبے کی ناکامی کو بے نقاب کرتی ہیں۔ کانگریس کے سابق صدر راہل گاندھی نے کہا ہے کہ یہ انتہائی تشویشناک بات ہے کہ امن اور سلامتی کی پہچان رکھنے والے اتراکھنڈ کی امن و امان کی صورتحال بی جے پی کے دور حکومت میں تباہ ہو گئی ہے اور وہاں سرحدوں کی حفاظت کرنے والے فوجی افسران بھی محفوظ نہیں ہیں۔مسٹر گاندھی نے منگل کو سوشل میڈیا ایکس پر ایک پوسٹ میں اتراکھنڈ کے دارالحکومت دہرادون کی امن و امان کی صورتحال پر تشویش کا اظہار کرتے ہوئے کہا کہ جس طرح دہرادون میں جرائم بڑھ رہے ہیں، اس سے ثابت ہو گیا ہے کہ بی جے پی کے دور میں قانون کی حکمرانی نام کی کوئی چیز باقی نہیں رہی۔ انہوں نے لکھا:دہرادون میں مارننگ واک پر نکلے ایک ریٹائرڈ بریگیڈیئر وی کے جوشی جی کا دن دیہاڑے بے رحمانہ قتل واضح طور پر بتاتا ہے کہ اتراکھنڈ کا امن و امان مکمل طور پر تباہ ہو چکا ہے۔ سرحد پر ملک کے دفاع میں اپنی زندگی وقف کرنے والے ہی آج اپنے شہر میں غیر محفوظ ہیں، عام شہری اور کئی طبقے خوف کے سائے میں جینے پر مجبور ہیں۔ بی جے پی راج میں صرف مجرم بے خوف اور محفوظ ہیں۔”کانگریس لیڈر نے کہا کہ ہمارا اتراکھنڈ جو کبھی امن اور سلامتی کے لیے جانا جاتا تھا، آج بی جے پی کی غیر ذمہ دارانہ قیادت میں تشدد، قتل اور خوف کے سائے میں سمٹ کر رہ گیا ہے۔قابل ذکر ہے کہ راج پور تھانہ علاقے کے جوہری گاؤں میں نوجوانوں کے دو گروپوں کے درمیان فائرنگ کے دوران صبح کی سیر پر نکلے ریٹائرڈ بریگیڈیئر جوشی گولی لگنے سے جاں بحق ہو گئے۔
