محمد زاہد امینی
نوح،میوات،سماج نیوز سروس: کئی ماہ سے جس تبلیغی اجتماع کابےصبری سے انتظار کر رہی میواتی عوام آج ہفتہ کی صبح نوح حلقہ کے گاوں اڈبرمیں اس کاشاندار آغاز ہو گیا۔بعد نماز ظہر نوجوان عالم دین مولانا محمد الیاس کے ذریعہ دعوت وتبلیغ کی اہمیت اور فضیلت کے بیان کے ساتھ جلسہ کا باضابطہ طور پر آغاز ہوا۔قبل ازیں دعوت وتبلیغ کے عالمی امیر حضرت جی مولانا محمد سعد کاندھلوی کے میوات پہنچنے پر علاقہ 3سرکردہ شخصیات کی طرف سے والہانہ استقبال کیا گیا۔حضرت جی مولانا محمد سعد کاندھلوی صاحب کی شرکت کو لیکر خطہ میوات کے عوام میں زبردست جوش وخروش دیکھنےکو مل رہا ہے۔بعد ازیں نماز عصر کے بعد ذکر کی اہمیت پر ڈالی گئی،تاحال خبر لکھے جانے پر جلسہ جاری تھا۔واضح رہے کہ دعوت و تبلیغ کا محور کہلائے جانے والا علاقہ(ہریانہ وراجستھان) میوات میں تبلیغی جلسہ کی خوشی کسی تہوار سے کم نہیں ہوتی۔دعوت وتبلیغ کے انٹر نیشنل امیرحضرت جی مولانا محمد سعد کاندھلوی دامت برکاتہم کے قیادت میں عالمی مرکز نظام الدین دہلی سے اکابرین حضرات کی ایک پوری جماعت جس میں بزرگ عالم دین حضرت مولانا عبدالستار صاحب،مولانا محمد عمر،مولانا یوسف،مولانا الیاس جلسہ میں تشریف لا رہی ہے۔ان حضرات کی آمد کو لیکر علاقہ میں ہے انتہاء خوشی ہے۔اکابرین حضرات نہ صرف تین روز تک دعوت وتبلیغ کی اہمیت و افادیت پر مفصل بیان فرمائیں گے بلکہ میوات کے سبھی 18تبلیغی حلقوں کی کارگزاری اور آئندہ کے لیے عزائم بھی کرائیں گے۔یہ عظیم الشان جلسہ 4اپریل صبح نماز فجر کے بعد شروع ہو کر 6اپریل کو اختتام پزیر ہوگا۔اجتماع میں خطہ میوات کے علاوہ ہریانہ،راجستھان،دہلی،اتر پردیش وملک کے دیگر مقامات سے کئی لاکھ لوگوں کی شرکت متوقع ہے۔
