سید پرویز قیصر
بنگلورو میں کھیلے گئے انڈین پریمیر لیگ کے ایک میچ میں مقامی ٹیمررائل چیلنجرس بنگلورو نے دھواں دھار بلے باری کا مظاہرہ کرتے ہوئے مقررہ20 اوور میں تین وکٹ پر250- رن بنائے جو چنئی سپر کنگس کے خلاف انڈین پریمیر لیگ میں سب سے بڑا اسکور اور رائل چیلنجرس بنگلورو کا تیسرا سب سے زیادہ اسکور ہے۔ چنئی سپر کنگس کے سبھی کھلاڑی اس بڑے اسکور کے جواب میں 19.4 اوور میں207 رن بناکر آوٹ ہوئے جس کی وجہ سے اسے43 رن سے شکست ہوئی۔اس سے پہلے چنئی سپر کنگس کے خلاف انڈین پریمیر لیگ میں سب سے بڑا اسکور بنانے کا اعزاز مشترکہ طور پر گجرات ٹائٹنس اور پنجاب کنگس کے پاس تھا۔ دونوں نے231 رن بنائے تھے۔ پنجاب کنگس نے کٹک میں7 مئی2014 کو ہوئے میچ میں مقررہ20 اوور میں چار وکٹ پر231 رن بنانے کے بعد چنئی سپر کنگس کو20 اوور میں چھ وکٹ پر187 رن بنانے دیئے تھے اور میچ44 رن سے جیتا تھا۔ گجرات ٹائٹنس نے بھی مقررہ20 اوور میں231 رن ہی بنائے تھے مگر تین وکٹ کے نقصان پر۔ یہ میچ احمد آباد میں10 مئی2024 کو کھیلا گیا تھا۔ چنئی سپر کنگس نے مقررہ 20 اوور میں آٹھ وکٹ پر 196 رن بنائے تھے جس کی وجہ سے اسے اس میچ میں35 رن سے شکست ہوئی تھی۔
ممبئی کے وانکھڑے اسٹیڈیم میں30 مئی2014 کو ہوئے میچ میں پنجاب کنگس نے مقررہ20 اوور میں چھ وکٹ پر226 رن بنائے تھے جو چنئی سپر کنگس کے خلاف انڈین پریمیر لیگ میں چوتھا سب سے بڑا اسکور ہے۔اس میچ میں چنئی سپر کنگس نے مقررہ20 اوور میں سات وکٹ پر 202 رن بنائے تھے جس کی وجہ سے پنجاب کنگس نے اس میچ میں24 رن سے جیت اپنے نام کی تھی۔راجستھان رئلز کو چنئی سپر کنگس کے خلاف پانچواں سب سے بڑا اسکور بنانے کا اعزاز حاصل ہے مگر اس میچ میں اسے شکست ہوئی تھی۔ پہلے بلے بازی کرتے ہوئے چنئی سپر کنگس نے مقررہ20 اوور میں پانچ وکٹ پر 246 رن بنانے کے بعد پنجاب کنگس کو مقررہ20 اوور میں پانچ وکٹ پر 223 رن ہی بنانے دیئے تھے۔ اس میچ میں چنئی سپر کنگس23 رن سے فاتح رہی تھی۔
رائل چیلنجرس بنگلورو کا انڈین پریمیر لیگ میں سب سے زیادہ اسکور20 اوور میں پانچ وکٹ پر263 رن ہے جو اس نے پونہ واریرس کے خلاف بنگلورو میں23 اپریل2013 کو بنایا تھا۔ اس میچ میں پونہ واڑیرس نے20 اوور میں نو وکٹ پر133 رن بنائے تھے اور میچ130 رن سے گنوادیاتھا۔ سن رائزرس حیدرآباد کے خلاف بنگلورو میں15 اپریل2024 کو ہوئے میچ میں رائل چیلنجرس بنگلورو نے مقررہ20 اوور میں سات وکٹ پر262 رن بنائے تھے جو اس کا دوسرا سب سے بڑا اسکور ہے۔ اس میچ میں سن رائزرس حیدرآباد نے پہلے بلے بازی کرتے ہوئے مقررہ20 اوور میں تین وکٹ پر287 رن بنائے تھے اور میچ25 رن سے جیتا تھا۔رائل چیلنجرس بنگلورو نے انڈین پریمیر لیگ میںتین مرتبہ250 رن سے بڑا اسکور کیا ہے۔ انڈین پریمیر لیگ میں سب سے زیادہ مرتبہ 250 رن بنانے کا اعزاز سن رائزرس حیدرآباد کے پاس ہے جس نے پانچ مرتبہ ایسا کیا ہے۔
