سید پرویز قیصر
پہلے دو میچوں میں کامیابی کے بعد دہلی کیپٹلس انڈین پریمیر لیگ میں اپنا تیسرا میچ گجرات ٹائٹنس کے خلاف اپنے گھر پر بدھ( 8 اپریل) کو کھیلے گی۔ دہلی کیپٹلس نے اپنے گھر پر جو پہلا میچ کھیلا تھا اس میں اس نے ممبئی انڈینس کے خلاف کامیابی حاصل کی تھی۔ دہلی کیپٹلس کا اس سیزن میں پہلا میچ لکھنو سپر جائنٹس کے خلاف تھا جس میں اس نے جیت اپنے نام کی تھی۔ دہلی کیپٹلس نے گذشتہ سیز ں میں پنجاب کنگس کے خلاف جو آخری میچ کھیلا تھا اس میں اس نے جیت اپنے ناک کی تھی اس طرح اس نے انڈین پریمیر لیگ کے لگاتار تین میچوں میں جیت حاصل کی ہے۔ ان تینوں میچوں میں سمیر رضوی نے نصف سنچریاں اسکور کی تھیں اور تینوں میں میں آٖ ف دی میچ رہے تھے۔ اگر گجرات ٹائٹنس کے خلاف بھی وہ مین آٖ ف دی میچ ایوارڈ حاصل کرنے میں کامیاب رہے تو وہ لگار چار میچوں میں مین آٖ ف دی میچ رہنے والے پہلے کھلاڑی بنے گے۔ ابھی تک انڈین پریمیر لیگ میں سات کھلاڑیوں نے مین آٖ ف دی میچ ایوارڈ کی ہیٹ ٹرک کی ہے۔
اتر پردیش کے شہر میرٹھ سے تعلق رکھنے والے سمیر رضوی نے اپنا پہلا مین آٖ ف دی میچ ایوارڈگذشتہ سال انڈین پریمیر لیگ کے آخری میچ میں حاصل کیا تھا۔ پنجا ب کنگس کے خلاف جے پور میں24 مئی2025 ہوئے میچ میں انہوں نے45 منٹ میں25بالوں پر تین چوکوں اور پانچ چھکوں کی مدد سے آوٹ ہوئے بغیر58 رن بنائے تھے اور اپنی ٹیم کی پانچ وکٹ کی جیت میں ایک اہم کردار ادا کیا تھا۔ اس میچ میں انہیں مین آٖ ف دی میچ ایوارڈ ملا تھا۔
اس سیزن کے پہلے میچ میں بھی انہوں نے دہلی کیپٹلس کو ناصرف مشکلات سے نکالا بلکہ اسے چھ وکٹ سے کامیابی دلانے میں ایک اہم کردار ادا کیا۔77 منٹ میں47 بالوں پر پانچ چوکوں اور چار چھکوں کی مدد سے آوٹ ہوئے 70 رنوں کی بدولت دہلی کیپٹلس جیتی اور انہیں مین آف دی میچ ایوارڈ دیا گیا۔ ان کا یہ اسکور انٖٖڈین پریمیر لیگ میں سب سے زیاد ہ اسکور بھی تھا۔
نئی دہلی کے ارون جیٹلی اسٹیٖڈیم میں کھیلے گئے میچ میں دہلی کیپٹلس کے سمیر رضوی نے ممبئی انڈینس کے خلاف شاندار بلے بازی کا مظاہرہ کرتے ہوئے73 منٹ میں51 بالوں پر سات چوکوں اور سات چھکوں کی مدد سے90 رن بنائے اور اپنی ٹیم کی چھ وکٹ کی کامیابی میں ایک اہم کردار ادا کیا۔ اس شاندار کارکردگی کی بدولت انہیں مین آف دی میچ ایواڑ سے نوازا کیا۔ ان کا یہ مین آٖ ف دی میچ ایوارڈ انڈین پریمیر لیگ کے لگاتار تین میچوں میں تیسرا تھا۔
سمیر رضوی کو دسمبر 2023 میں چنئی سپر کنگس نے8 کروڑ 40 لاکھ میں خریدا تھا مگر ان کا اس نے صحح استعما ل نہیں کیا اور پانچویں یا اس سے بعد نمبر پر بلے بازی کرائی جس سے ان کو اپنے جوہر دیکھانے کا موقع نہیں ملا۔2025 کیلئے انہیں دہلی کیپٹلس نے 95 لاکھ روپے میں خریدا اور اس کا اسی رقم پر اپنی ٹیم میں رکھا۔ گذشتہ سال انہوں نے دہلی کیپٹلس کیلئے پانچ میچوں کی چار اننگوں میں40.33 کی اوسط اور153.16 کے اسٹرائیک ریٹ کے ساتھ ایک نصف سنچری کی مدد سے121 رن بنائے تھے۔ موجودہ سیزن میں انہوں نے جو دو میچ کھیلے ہیں انکی دو اننگوں میں160.00 کی اوسط اور163.26 کے اسٹرائیک کے ساتھ دو نصف سنچریوں کی مدد سے160 رن بنائے تھے اور اس وقت میں انڈین پریمیر لیگ کے اس سیزن میں سب سے زیادہ رن بنانے والے کھلاڑی ہیں۔
دہلی کیپٹلس اور گجراٹ تائٹنس کے درمیان ابھی تک جو سات میچ ہوئے ہیں اس میں دہلی لکیپٹلس نے تین اور گجرات ٹائٹنس نے چار میں کامیابی حاصل کی ہے۔
