چنڈی گڑھ، (یو این آئی) ہریانہ کے وزیر اعلیٰ نائب سنگھ سینی نے جمعہ کو چندی گڑھ کے ہریانہ نواس میں مختلف سماجی تحفظاتی کی اسکیموں کے تحت 35.55 لاکھ استفادہ کنندگان میں کل 1144.55 کروڑ روپے تقسیم کئے۔ وزیر اعلیٰ نے بتایا کہ دین دیال لاڈو لکشمی یوجنا کے تحت 9.68 لاکھ استفادہ کنندگان کو 203.28 کروڑ روپے تقسیم کیے گئے۔ دیالو یوجنا کے تحت 7,875 مستفیدین کو 298.07 کروڑ روپے کی امداد ملی۔ مزید برآں، درج فہرست ذات کے کسانوں کے لیے ٹریکٹر کی دستیابی اسکیم کے تحت 645 کسانوں کو 19.35 کروڑ روپے تقسیم کیے گئے۔ اس موقع پر وزیر اعلیٰ نے اعلان کیا کہ اسکیموں کے فوائد اب ہر ماہ کی 10 تاریخ کو براہ راست مستفیدین کے کھاتوں میں منتقل کیے جائیں گے۔ تقریب کے دوران لاڈو لکشمی یوجنا کی چھٹی قسط بھی جاری کی گئی۔ خواتین کو بااختیار بنانے پر زور دیتے ہوئے وزیر اعلیٰ نے کہا کہ ریاستی حکومت نے خواتین کے لیے 6500 کروڑ روپے کا بجٹ مختص کیا ہے۔
