بہارشریف (ایم ایم عالم) نالندہ ضلع میں گزشتہ 24 گھنٹوں میں ضلع کے کئی علاقوں میں سڑک حادثات،بجلی کا کرنٹ لگنے اور ڈوبنے کے واقعات سے نصف درجن افراد کے ہلاک اور درجنوں سے زائد افراد کے زخمی ہونے کا معاملہ رونما ہوا ہے۔ذرائع کے مطابق ضلع کے مختلف علاقوں میں سڑک حادثات،بجلی کا کرنٹ لگنے اور ڈوبنے کے واقعات ہلسا،سارے،چنڈی،نورسرائے، سیلاؤ،نالندہ اور سوہ سرائے سمیت دیگر علاقوں کے متعلقہ تھانوں کی پولیس نے پوسٹ مارٹم کر کے لاشیں ورثاء کے حوالے کردیا گیا ہے۔کچھ معاملات میں لواحقین پوسٹ مارٹم کیے بغیر لاشیں گھر لے گئے۔جمعرات کی دیر رات چنڈی تھانہ علاقے کے تینا گاؤں کے قریب شادی کی تقریب میں شرکت کے لیے جا رہے ایک نوجوان کو نامعلوم گاڑی نے ٹکر مار دی اور موقع پر ہی اس کی موت ہو گئی۔حادثے میں دو دیگر افراد زخمی ہو گئے۔ متوفی کی شناخت 25 سالہ دیپک کمار جو پٹنہ ضلع کے چھٹما گاؤں کے رہائشی یوگیندر پرساد کے بیٹے ہیں۔ داؤد پور کا رہائشی وکاس کمار زخمیوں میں شامل ہے۔زخمیوں کا علاج کیا جا رہا ہے۔نور سرائے کے علاقے میں رائس مل میں کام کرنے والے ایک مزدور کی جمعرات کی رات دیر گئے مشتبہ حالات میں موت ہو گئی۔متوفی 42 سالہ اپیندر چودھری جو ہلسا تھانہ علاقہ کے اکبر پور کے رہائشی سریوگ چودھری کا بیٹا تھا۔اہل خانہ نے بتایا کہ جمعرات کی شام ان کی طبیعت اچانک بگڑ گئی۔ پرول پور سے دوا لا کر اسے دی گئی۔دوا کھا کر وہ سو گیا۔ ساتھی کارکنوں نے رات دیر گئے اسے جگانے کی کوشش کی،لیکن جب اس نے کوئی جواب نہیں دیا تو اسے ہسپتال لے جایا گیا،جہاں ڈاکٹروں نے اسے مردہ قرار دے دیا۔ہلسا تھانہ علاقے کے ملکانا پور گاؤں میں جمعہ کی دیر شام سڑک حادثے میں ایک پانچ سالہ بچے کی موت ہو گئی۔مرنے والے کی شناخت آرین کمار ولد اویناش کمار ہے۔واقعہ پر اہل خانہ سوگوار ہیں۔جمعہ کی شام دیر گئے سارے تھانے علاقے کے گیلانی گاؤں کے قریب نامعلوم گاڑی کی زد میں آکر ایک نوجوان جاں بحق ہوگیا۔متوفی امن کمار ولد رنجیت شاہ جو لکھی سرائے ضلع کے برہیا تھانہ علاقہ کے لوہارا گاؤں کا ہے۔مبینہ طور پر وہ اپنے خاندان کے ساتھ بربیگھہ میں رہ رہا تھا۔ہفتے کے روز سیلاؤ تھانہ علاقے کے کامدار گنج گاؤں میں کھیت میں کام کرنے والے ایک کسان کو 11،000 وولٹ کی بجلی کی لائن کی زد میں آگیا۔کرنٹ لگنے سے موقع پر ہی دم توڑ گیا۔ متوفی کی شناخت 50 سالہ اتم یادو ولد آنجہانی شری یادو ہے۔اس کے اہل خانہ اسے علاج کے لیے صدر ہسپتال لے گئے جہاں ڈاکٹروں نے اسے مردہ قرار دے دیا۔اس کے بعد اہل خانہ پوسٹ مارٹم کیے بغیر لاش گھر لے گئے۔ادھر نالندہ تھانہ علاقے کے سبیت گاؤں میں ایک 10 سالہ لڑکا تالاب میں نہاتے ہوئے ڈوب گیا۔متوفی کامیشور مانجھی کا 10 سالہ بیٹا موچھو کمار ہے۔ گھر والوں نے بتایا کہ وہ گاؤں کے دوسرے بچوں کے ساتھ قریبی تالاب میں نہانے گیا تھا۔ وہ گہرے پانی میں جا کر ڈوب گیا۔اہل خانہ نے اسے صدر ہسپتال پہنچایا جہاں ڈاکٹروں نے اسے مردہ قرار دے دیا۔لاش کو پوسٹ مارٹم کرانے کے بعد لاش ورثاء اپنے گھر لے گئے۔
