لاہور کے قذافی اسٹیڈیم میں کھیلے گئے گیاریں پاکستان سپر لیگ کے فائنل میں پشاور زلمی نے حیدرآباد کنگس مین کو پانچ وکٹ سے شکست دیکر خطاب اپنے نام کرلیا۔ فائنل میچ میں پشاور زلمی نے ٹاس جیت کر پہلے حیدرآبادکنگس مین سے بلے بازی کرئی تھی۔حیدرآباد کنگس مین جو پہلی مرتبہ پاکستان سپر لیگ کے فائنل میں کھیل رہی تھی، اس کے سبھی کھلاڑی 18 اوور میں129 رن بناکر آوٹ ہوگئے تھے۔صائم ایوب نے حیدرآبادکنگس مین کیلئے سب سے زیادہ رن بنائے ۔وہ90 منٹ میں پچاس بالوں پر پانچ چوکوں اوردو چھکوں کی مدد سے54 رن بنانے میں کامیاب ہوئے۔آسڑیلیا کے آل راونڈر آرون ہارڈی نے چار اوور میں27 رن دیکر چار کھلاڑیوں کو آوٹ کیا۔ پشاور زلمی کی شروعات کافی خراب رہی تھی اور اس کے چار کھلاڑی4.5 اوور میں40 رن کے مجموعی اسکور پر آوٹ ہوگئے تھے۔آرون ہارڈی اور عبدالصمد نے پانچویں وکٹ کی شراکت میں85 رن جوڑے ۔ جب پشاور زلمی جیت کے نزدیک پہنچ گئی تو ر عبدالصمد 55 منٹ میں34 بالوں پر تین چوکوں اور چار چھکوں کی مدد سے48 رن بناکر آوٹ ہوگئے۔ انکے آوٹ ہونے کے بعدآرون ہارڈی نے اپنی اننگ جاری رکھی اور86 منٹ میں39 بالوں پر نو چوکوں کی مدد سے56 رن بناکر ناٹ آوٹ واپس گئے۔ پشاوز زلمی نے15.2 اوور میں پانچ وکٹ پر130 رن بنائے اور دوسری مرتبہ پاکستان سپر لیگ چمپیئن ہونے کا اعزاز اپنے نام کیا۔ آرون ہارڈی کو مین آف دی میچ ایوارڈ ملا۔ انہوں نے اس فائنل میں آل راونڈ کارکردگی کا مظاہرہ کیا اور چار وکٹوں کے ساتھ نصف سنچری بھی اسکور کی۔
پاکستان سپر لیگ میں ایک میچ میں نصف سنچری کے ساتھ ساتھ چار یا اس سے زیادہ کھلاڑیوں کو آوٹ کرنے والے وہ چوتھے کھلاڑی ہیں۔ انگلینڈ سے تعلق رکھنے والے روی پوپارا ایسا کرنے والے پہلے کھلاڑی تھے۔ انہوں نے شارجہ میں 12 فروری 2016 کوکراچی کنگس کی جانب سے کھیلتے ہوئے لاہور قلندرس کے خلاف43 بالوں پر تین چوکوں اور چار چھکوں کی مدد سے آوٹ ہوئے بغیر71 رن بنانے کے بعد چار اوور میں 16 رن دیکر چھ کھلاڑیوں کو آوٹ کیا تھا۔ انکی یہ بالنگ پاکستان سپر لیگ میں سب سے اچھی بالنگ کارکردگی بھی ہے۔ اس میچ میں کراچی کنگس نے27 رن سے جیت اپنے نام کی تھی۔
اسلام آباد یونائٹیڈ کی جانب سے کھیلتے ہوئے لاہور قلندر س کے خلاف کراچی میں5 فروری2022 کو ہوئے میچ میں شاداب خان نے چار اوور میں 20 رن دیکر چار کھلاڑیوں کو آوٹ کرنے کے بعد45 منٹ میں32 بالوں پر دو چوکوں اور چار چھکوں کی مدد سے52 رن بنائے تھے ۔ اس میچ میں اسلام آباد یونائٹیڈ کو آٹھ رن سے شکست ہوئی تھی۔
شاہین شاہ آفریدی نے لاہور قلندرس کی جانب سے کھیلتے ہوئے پشاور زلمی کے خلاف راولپنڈی میں7 مارچ2023 کو ہوئے میچ میں چار اوور میں 31 رن دیکر چار کھلاڑیوں کو آوٹ کرنے کے بعد54 منٹ میں36 بالوں پر تین چوکوںاور پانچ چھکوں کی مدد سے52 رن بنائے تھے۔ اتبی شاندار آل راونڈ کارکردگی کے باوجود انکی ٹیم 35 رن سے ہارگئی تھی۔
پشاور زلمی نے پہلی مرتبہ پاکستان سپر لیگ کا خطاب 2017 میں حاصل کیا تھا تب اس نے لاہور میں کھیلے گئے فائنل میں کوئٹہ گلاڈیٹرس کو58 رن سے شکست دی تھی۔
اسلام آباد یونائٹیڈ اور لاہور قلندرس نے تین ۔تین مرتبہ پاکستان سپر لیگ خطاب جیتا ہے جبکہ کوئٹہ گلاٖڈیٹرس، کراچی کنگس اور ملتان سلطانس نے ایک مرتبہ چمپیئن ہونے کا اعزاز حاصل کیاہے۔ راولپنڈیز اور حیدرآباد کنگس مین نے اس مرتبہ پہلی بار پاکستان سپر لیگ میں شرکت کی تھی۔
