سید پرویز قیصر
دہلی کے ارون جیٹلی اسٹیڈیم میں دہلی کیپٹلس کے خلاف میچ میں سنجو سیمسن نے شانداربلے بازی کرتے ہوئے91 منٹ میں52 بالوں پر سات چوکوں اور چھ چھکوں کی مدد سے آوٹ ہوئے بغیر87 رن بنائے اور چنئی سپر کنگس کو آٹھ وکٹ کی جیت دلانے میں ایک اہم کردار ادا کیا۔ انہوں نے اپنی اس اننگ کے دوران موجودہ ٹورنامنٹ میں چار سو رن کا ہندسہ عبور کیا اور دوسرے سب سے زیادہ رن بنانے والے وکٹ کیپر بنے۔ انڈین پریمیر لیگ 2026میں وہ چار سو سے زیادہ رن بنانے والے پانچویں بلے باز بھی بن گئے۔
دائیں ہاتھ سے بلے بازی کرنے والے نے انڈین پریمیر لیگ 2026میں ابھی تک جودس میچ کھیلے ہیں انکی دس اننگوں میں57.42 کی اوسط اور167.50 کے اسٹرائیک ریٹ کے ساتھ دو سنچریوں اور ایک نصف سنچری کی مدد سے402 رن بنائے ہیں۔ وہ ایک مرتبہ بھی صفر کا شکار نہیں ہوئے اور ان کا سب سے زیادہ اسکور آوٹ ہوئے بغیر115 رن رہا ہے جو انہوں نے دہلی کیپٹلس کے خلاف چنئی میں11 اپریل2026 کو103 منٹ میں56 بالوں پر پندرہ چوکوں اور چار چھکوں کی مدد سے بنایا تھا۔ اس میچ میں انکی ٹیم کو23 رن سے کامیابی ملی تھی۔ اس سیزن میں یہ چوتھا سب سے بڑا اسکور ہے۔
دہلی کیپٹلس کے لوکیش راہول اس سیزن میں سب سے زیادہ رن بنانے والے وکٹ کیپر بلے باز ہیں۔ انہوں نے ابھی تک جو دس میچ کھیلے ہیں انکی دس اننگوں میں49.44 کی اوسط اور180.89 کے اسٹرائیک ریٹ کے ساتھ ایک سنچری اور تین نصف سنچریوں کی مدد سے445 رن بنائے ہیں۔ وہ ایک مرتبہ صفر کا شکار ہوئے ہیں اور ان کا سب سے زیادہ اسکور آوٹ ہوئے بغیر152 رن ہے جو انہوں نے پنجاب کنگس کے خلاف25 اپریل 2026 کو دہلی میں 112 منٹ میں67 بالوں پر16 چوکوں اور نو چھکوں کی مدد سے بنایا تھا۔ اس میچ میں انکی ٹیم کو چھ وکٹ سے شکست ہوئی تھی۔ وہ اس مرتبہ ابھی تک سب سے زیادہ رن بنانے کے ساتھ ساتھ سب سے بڑی اننگ کھیلنے والے بلے باز بھی ہیں۔
ممبئی انڈینس کے ریان ریکلٹن موجودہ سیزن میں تیسرے سب سے زیادہ رن بنانے والے وکٹ کیپر ہیں۔ جنوبی افریقہ سے تعلق رکھنے والے اس کھلاڑی نے جو سات میچ کھیلے ہیں انکی سات اننگوں میں63.00 کی اوسط اور197.90 کے اسٹرائیک ریٹ کے ساتھ ایک سنچری اور دو نصف سنچریوں کی مدد سے378 رن بنائے ہیں۔ وہ ایک مرتبہ بھی صفر کا شکار نہیں ہوئے ہیں اور ان کا سب سے زیادہ اسکور آوٹ ہوئے بغیر123 رن رہا ہے جو انہوں نے سن رائزرس حیدرآباد کے خلاف29 اپریل2026 کو ممبئی میں119 منٹ میں55 بالوں پر دس چوکوں اور آٹھ چھکوں کی مدد سے بنایا تھا۔ اس میچ میں انکی ٹیم کو چھک وکٹ سے شکست ہوئی تھی۔ انہوں نے 44 بالوں پر اپنی سنچری مکمل کی تھی جو کسی وکٹ کیپر کی انڈین پریمیر لیگ میں سب سے تیز اور ممبئی انڈینس کی جانب سے انڈین پریمیر لیگ میں سب سے تیز سنچری بھی ہے۔
موجودہ سیزن میں ابھی تک جو پانچ سب سے بڑی انفرادی اسکور بنائے گئے ہیں اس میں سے چار وکٹ کیپروں نے بنائے ہیں۔سن رائزرس حیدرآباد کے ابھیشک شرما کے دہلی کیپٹلس کے خلاف حیدرآباد میں21 اپریل2026 کو 107 بالوں پر68 بالوں پر دس چوکوں اور دو چھکوں کی مدد سے بنائے گئے آوٹ ہوئے بغیر135 رن اس مرتبہ ابھی تک دوسرا سب سے بڑا نفردای اسکور ہے ۔ یہ کسی غیر وکٹ کیپر کا سب سے بڑا انفرادی اسکور بھی ہے۔
