بلال بزاز
سرینگر ،سماج نیوز سروس: آپریشن سندور اس بات کا اعلان تھا کہ ہندوستان کی بہادر مسلح افواج کسی بھی قیمت پر ملک کی خودمختاری اور سالمیت کی حفاظت کریں گے کی بات کرتے ہوئے لیفٹنٹ گورنر منوج سنہا نے کہا کہ یہ ہندوستان کے پختہ عزم کا ثبوت ہے اور ہم دہشت گردی کے نیٹ ورک کو ختم کرنے اور دہشت گردی سے پاک جموں و کشمیر کو محفوظ بنانے کیلئے پرعزم ہیں۔ تفصیلات کے مطابق لیفٹنٹ گورنر منوج سنہا نے آپریشن سندور کی پہلی برسی پر مسلح افواج کو خراج تحسین پیش کیاجو گزشتہ سال اپریل میں پہلگام میں سیاحوں پر حملے کے بعد پاکستان میں دہشت گردی کے بنیادی ڈھانچے کو نشانہ بنانے کے لیے شروع کیا گیا تھا۔منو ج سنہا نے ایکس پر ایک پوسٹ میں لکھا ’’ آپریشن سندور ایک اعلان ہے جس میں اس عزم کا اظہار کیا گیا ہے کہ ہماری بہادر مسلح افواج کسی بھی قیمت پر ملک کی خودمختاری اور سالمیت کے تحفظ کے لیے پرعزم ہیں۔ یہ ہندوستان کے پختہ عزم کا ثبوت ہے اور ہم دہشت گردی کے نیٹ ورک کو ختم کرنے اور دہشت گردی سے پاک جموں و کشمیر کو محفوظ بنانے کے لیے پرعزم ہیں۔ ‘‘ انہوں نے مزید لکھا ’’ "جب ہم آپریشن سندور کی سالگرہ مناتے ہیں، ہم وردی میں ملبوس مردوں اور عورتوں کیلئے نمن کرتے ہیں جن کے غیر متزلزل عزم اور غیر معمولی ہمت نے دشمن کو منہ توڑ جواب دیا جس نے پہلگام میں معصوم شہریوں کو نشانہ بنایا۔ ‘‘ خیال رہے کہ 22 اپریل کو پہلگام دہشت گردانہ حملے کے جواب میں، جس میں 26 افراد، جن میں زیادہ تر سیاح تھے، مارے گئے تھے، ہندوستان نے گزشتہ سال 7 مئی کو آپریشن سندور شروع کیا تھا، جس میں پاکستان اور پاکستان کے زیر قبضہ کشمیر میں دہشت گردی کے نو بنیادی ڈھانچے پر فضائی حملے کیے گئے تھے۔
