سید پرویز قیصر
چنئی میں چنئی سپر کنگس کے خلاف لکھنو سپر جائنٹس کی جانب سے کھیلتے ہوئے آسڑیلیا سے تعلق رکھنے والے جوس انگلیس نے شاندار بلے بازی کا مظاہرہ کرتے ہوئے33 بالوں پر دس چوکوں اور چھ چھکوں کی مدد سے85 رن بنائے۔ اس اننگ کے دوران انہوں نے اپنی نصف سنچری17 بالوں پر مکمل کی جو لکھنو سپر جائنٹس کی جانب سے انڈین پریمیر لیگ میں چوتھی سب سے تیز نصف سنچری ہے۔
لکھنو سپر جائنٹس کیلئے انڈین پریمیر لیگ میں سب سے تیز نصف سنچری بنانے کا ریکارڈ ویسٹ انڈیز سے تعلق نکولس پورن کے پاس ہے۔ رائل چیلنجرس بنگلور و کے خلاف10 اپریل2023 کو جب انہوں نے38 منٹ میں19 بالوں پر چار چوکوں اور سات چھکوں کی مدد سے62رن بنائے تھے تو اپنی نصف سنچری15 بالوں پر مکمل کی تھی۔ اس میچ میںرائل چیلنجرس بنگلورو نے پہلے بلے بازی کرتے ہوئے مقررہ20 اوور میں دو وکٹ پر212 رن بنانے کے باوجود شکست ہوئی تھی کیونکہ نکولس پورن کی شاندار اننگ کی بدولت لکھنو سپر جائنٹس نے20 اوور میں نو وکٹ پر 213 رن بناکر میچ آخری بال پر ایک وکٹ سے جیت لیا تھا۔
ممبئی انڈینس کے خلاف ممبئی میں 4 مئی 2026 کو کھیلے گئے انڈین پریمیر لیگ کے میچ میں گجرات ٹائٹنس کے نکولس پورن نے31 منٹ میں21 بالوں پر ایک چوکے اور آٹھ چھکوں کی مدد سے63 رن بنائے ۔ اس اننگ کے دوران انہوں نے اپنی نصف سنچری16 بالوں پر مکمل کی جو لکھنو سپر جائنٹس کی کیلئے انڈین پریمیر لیگ میں دوسری سب سے تیز نصف سنچری تھی۔ انکی اتنی تیز نصف سنچری کے باوجود انکی ٹیم کو اس میچ میں چھ وکٹ سے شکست ہوئی۔
سن رائزرس حیدرآباد کے خلاف راجیو گاندھی انٹر نیشنل کرکٹ اسٹیڈیم، اپل، حیدرآباد میں 27 مارچ 2025 کوکھیلے گئے انڈین پریمیر لیگ کے میچ میں نکولس پورن نے38منٹ میں26 بالوں پر چھ چوکوں اور اتنے ہی چھکوں کی مدد سے70رن بنائے اور اپنی ٹیم کی پانچ وکٹ کی جیت میں ایک اہم کردار ادا کیا۔ بائیں ہاتھ کے اس بلے باز نے اپنی اس شاندار اننگ کے دوران اپنی نصف سنچری18 بالوں پر مکمل کی جو انڈین پریمیر لیگ میں لکھنو سپر جائنٹس کیلئے تیسری سب سے تیز نصف سنچری ہے۔
لکھنو سپر جائنٹس کی جانب سے انڈین پریمیر لیگ میں پانچویںسب سے تیز نصف سنچری بھی نکولس پورن نے بنائی ہے۔ممبئی میں17 مئی2024 کو ممبئی انڈینس کے خلاف ہوئے میچ میں انہوں نے جب 44 منٹ میں29 بالوں پر پانچ چوکوں اور آٹھ چھکوں کی مدد سے75 رن بنائے تھے تو اپنی نصف سنچری19 بالوں پر مکمل کی تھی۔ اتنی اس شاندار اننگ کی بدولت لکھنو سپر جائنٹس نے پہلے بلے بازی کرتے ہوئے مقررہ 20 اوور میں چھ وکٹ پر 214 رن بنائے تھے۔ ممبئی انڈینس نے مقررہ 20 اوور میں چھ وکٹ پر196 رن بنائے تھے جس کی وجہ سے اسے اس میچ میں18 رن سے شکست ہوئی تھی۔
ویسٹ ا نڈیز سے تعلق رکھنے والے کائل میرس کو لکھنو سپر جائنٹس کیلئے انڈین پریمیر لیگ میں مشترکہ طور پرپانچویں سب سے تیز نصف سنچری بنانے کا اعزاز حاصل ہے۔ بائیں ہاتھ کے اس بلے باز نے موہالی میں28 اپریل2023 کو پنجاب کنگس کے خلاف ہوئے میچ میں31 منٹ میں24 بالوں پر سات چوکوں اور چار چھکوں کی مدد سے54 رن بنائے تھے۔ انہوں نے اس اننگ کے دوران اپنی نصف سنچری20 بالوں پر مکمل کی تھی۔ اس میچ میں انکی ٹیم نے56 رن سے کامیابی حاصل کی تھی۔ پہلے بلے بازی کرتے ہوئے لکھنو سپر جائنٹس نے مقررہ20 اوورمیں پانچ وکٹ پر 257 رن بنانے کے بعد پنجاب کنگس کو19.5 اوورمیں201 رن پر سمٹ دیا تھا۔
نکولس پورن نے کائل میرس کی طرح20 بالوں پر اپنی نصف سنچری مکمل کی تھی۔ دہلی میں دہلی کیپٹلس کے خلاف 14 مئی2024 کو ہوئے میچ میں انہوں نے جب36 منٹ میں27 بالوں پر چھ چوکوں اور چار چھکوں کی مدد سے61 رن بنائے تھے نو اپنی نصف سنچری20 بالوں پر مکمل کی تھی۔ اس میچ میںلکھنو سپر جائنٹس کو19 رن سے شکست ہوئی تھی کیونکہ دہلی کیپٹلس کے مقررہ 20 اوور چار وکٹ پر 208 رن کے جواب میں لکھنو سپر جائنٹس نے مقررہ 20 اوور میں نو وکٹ پر 189 رن بنائے تھے۔
انڈین پریمیر لیگ میں سب سے تیز نصف سنچری بنانے کا ریکارڈ یشسوی جیسوال کے پاس ہے جنہوں نے راجستھان رائلز کی جانب سے کولکاتہ نائیٹ رائیڈرس کے خلاف کولکاتہ میں11 مئی2023 کو13 بالوں پر اپنی نصف سنچری مکمل کی تھی۔ اس اننگ میں انہوں نے62 منٹ میں47 بالوں پر بارہ چوکوں اور پانچ چھکوں کی مدد سے آوٹ ہوئے بغیر98 رن بنائے تھے اور اپنی ٹیم کو نو وکٹ سے جیت دلائی تھی۔ کولکاتہ نائیٹ رائیڈرس کے اسکور20 اوور میں آٹھ وکٹ پر149 رن کے جواب میں راجستھان رائلز نے13.1 اوور میں ایک وکٹ پر 151 رن بنائے تھے ۔
