بہارشریف (ایم ایم عالم)نالندہ ضلع کے رہوئی تھانہ علاقے کے پونہا گاؤں میں ایک دعوت میں شریک لوگوں کے درمیان معمولی تنازع میں جمعہ کی دیر رات اچانک پرتشدد جھگڑے میں بدل گیا۔دونوں گروپوں کے درمیان شدید لڑائی،پتھراؤ اور لاٹھی چارج ہوا۔اس کے نتیجے میں ہونے والے خونریز تصادم میں ایک نوجوان کو پیٹ پیٹ کر ہلاک کر دیا گیا جبکہ پانچ سے زائد افراد شدید زخمی ہو گئے۔ واقعہ کے بعد گاؤں میں کشیدگی پھیل گئی۔مرنے والے کی شناخت 25 سالہ روی کمار ولد انیل چودھری،ساکن پونہا گاؤں کے رہائشی ہیں۔مبینہ طور پر جھگڑے کے دوران روی کمار کو شدید چوٹیں آئیں۔اہل خانہ اور گاؤں والوں نے اسے علاج کے لیے صدر ہسپتال پہنچایا،جہاں ڈاکٹروں نے اسے مردہ قرار دے دیا۔روی کی موت کی خبر ملتے ہی خاندان میں کہرام مچ گیا۔اطلاعات کے مطابق، گاؤں کے ایک گرمی سماج کے یہاں نئے گھر کے داخلے کی تقریب کے موقع پر ایک دعوت کا اہتمام کیا گیا تھا۔دونوں جماعتوں کے ارکان تقریب میں شرکت کے لیے جا رہے تھے۔راستے میں معمولی بات کو لے کر تنازع شروع ہو ہوگیا۔ابتدائی طور پر یہ ایک معمولی بحث تھی لیکن جلد ہی بڑھ گئی اور دونوں فریق ایک دوسرے کے آمنے سامنے ہو گئے۔پتھراؤ اور لاٹھی چارج ہوا۔ واقعے میں متعدد افراد زخمی ہوئے۔واقعہ کی اطلاع ملتے ہی نالندہ پولیس اور رہوئی پولیس جائے وقوعہ پر پہنچی۔پولیس نے صورتحال پر قابو پانے کے لیے فوری کارروائی کرتے ہوئے ملزم پارٹی کے کل 13 افراد جتو کمار،راجہ کمار،گنیش کمار،جے رام چودھری،چنتا دیوی،کاری دیوی،ارمیلا دیوی،بجرنگی کمار،سوداگر چودھری،بھولا چوری،جے منگل چودھری اور بالمیکی چوہری شامل ہے۔کسی بھی ناخوشگوار واقعے کو روکنے کے لیے گاؤں میں پولیس کو تعینات کیا گیا ہے۔ صدر ڈی ایس پی-2 سنجے کمار جیسوال نے بتایا کہ جمعہ کی رات دیر گئے اطلاع ملی کہ انیل چودھری اور بالمیکی چودھری کے دھڑوں کے درمیان لڑائی چھڑ گئی ہے۔واقعے میں متعدد افراد زخمی ہوئے جن میں ایک نوجوان بھی شامل ہے جو دوران علاج دم توڑ گیا۔ پولیس پورے معاملے کی سنجیدگی سے تحقیقات کر رہی ہے اور مجرموں کے خلاف سخت کارروائی کرے گی۔
