نئی دہلی ، سماج نیوز سروس:مغربی بنگال کی کابینہ نے پیر کو اپنی دوسری میٹنگ کے دوران یہ فیصلہ کیا کہ اطلاعات و ثقافتی امور، اقلیتی امور اور مدرسہ تعلیم کے محکموں کے تحت تمام مذہبی بنیادوں پر اسکالرشپ پروگرام کو اگلے ماہ سے بند کر دیا جائے گا۔ اس طرح کے تمام اسکالرشپ پروگرام صرف اس مہینے کیلئے جاری رہیں گے اور یکم جون سے اسے بند کر دیا جائے گا۔نیزریاستی سرکاری ملازمین کیلئے ساتویں تنخواہ کمیشن کے نفاذ کی تجویز کو منظوری دی۔ مزید برآں، مغربی بنگال کی کابینہ نے خواتین کیلئے 3000 روپے کی امداد کی منظوری دی۔ اس نے مدرسہ ڈیپارٹمنٹ اور محکمہ اطلاعات و ثقافت کے ذریعے چلائی جانے والی مذہب پر مبنی امدادی اسکیموں کو بتدریج ختم کرنے کا بھی فیصلہ کیا۔کابینہ کی میٹنگ کے بعد منعقدہ ایک پریس کانفرنس میں، خواتین اور بچوں کی ترقی اور سماجی بہبود کی وزیر اگنی مترا پال نے کہا کہ ساتویں پے کمیشن کو نافذ کرنا ریاستی ملازمین کا دیرینہ مطالبہ تھا، اور کابینہ نے اسے منظوری دے دی۔ مزید برآں، مغربی بنگال کی کابینہ نے خواتین کیلئے 3 ہزار روپے کی امداد کی منظوری دی۔ اس نے مدرسہ ڈیپارٹمنٹ اور محکمہ اطلاعات و ثقافت کے ذریعے چلائی جانے والی مذہب پر مبنی امدادی اسکیموں کو بتدریج ختم کرنے کا بھی فیصلہ کیا۔وزیر اگنی مترا پال نے کہا کہ کابینہ نے ریاست میں اناپورنا بھنڈر پروجیکٹ کو بھی منظوری دی ہے، جو خواتین کو ماہانہ 3,000 روپے کی مالی امداد فراہم کرے گی۔ یہ اسکیم حال ہی میں ختم ہونے والے اسمبلی انتخابات کیلئے بھارتیہ جنتا پارٹی کے منشور میں شامل تھی۔انہوں نے کہا کہ لکشمی بھنڈار اسکیم کے تحت پہلے سے ہی فوائد حاصل کرنے والی خواتین کے نام خود بخود نئی اناپورنا بھنڈار اسکیم میں شامل ہو جائیں گے، اور رقوم براہ راست ان کے بینک کھاتوں میں منتقل کر دی جائیں گی۔
