آلہ آباد،30جنوری،پریس ریلیز،ہماراسماج:آج آل انڈیا یونانی طبّی کانگریس کی میٹنگ کانگریس کے صدر دفتر ڈاکٹر خورشید عالم کے گھر پر منعقد ہوئی جس میں AIUTC کی قومی باڈی کا شکریہ ادا کیا گیا جس نے فیصلہ کیا ہے اب ہر سال یوم عالمی یونانی ڈے حکیم اجمل خاں کی یوم پیدائش پر الہ آباد کی دو حکیموں کے نام سے انٹرنیشنل ایوارڈ کا سلسلہ شروع کیا جائے گا۔ جو دہلی میں ہر سال ۲۱فروری کو کاسنٹیون کلب میں ہوتا ہے۔ نشست میں ڈاکٹر انوار علی انصاری سابق میڈیکل آفیسر نے کہا ان لوگوں کی بہت خدمات رہی ہے طب یونانی میں اور دونوں کے وقت میں یعنی حکیم ضیاءالدین ضیاءجواسٹیٹ یونانی کالج لکھنو¿ اور پروفیسر سعد عثمانی جو الہ آباد میں پرنسپل تھے ان کے وقت میں کالج اپنے گولڈن دور میں تھا اور فن طب کی خوب ترقی ہوئی۔پروفیسر برکت اللہ ندوی نے کہا دونوں حکیم صاحبان اپنے اپنے وقت کے حکیم اجمل خان تھے اور ایک طبیب کے ساتھ ایک اچھے انسان اور علمی اور کئی کتابوں کے مصنف تھے خاص طور پر حکیم ضیاءالدین صاحب مرحوم ایک عالم دین بھی تھے اور طب یونانی فلاحی اور دینی کاموں میں پیش پیش رہتے تھے اس کے ساتھ ایک اچھے شاعر بھی تھے۔ نشست میں کثیر تعداد میں الہ آباد کے طبی اور علمی حلقوں سے لوگ موجود رہے جس میں ڈاکٹر نعمان ڈاکٹر بلال ڈاکٹر شجا ع الدین، ڈاکٹر طارق عمر، حکیم یعقوب، حکیم اجمل پرخاص، ڈاکٹر خورشید عالم، ڈاکٹر انیس وغیرہ نے شرکت کی ۔
