نئی دہلی،31جنوری ، سماج نیوزسروس: نمازِ عصر میں اللہ والی مسجد نزد مدرسہ زینت القرآن میں مولانا حکیم الدین قاسمی ناظم عمومی جمعیة علماءہند اور اور مولانا محمد داﺅد امینی مہتمم مدرسہ باب العلوم جعفرآباد، مولانا غیور احمد قاسمی، قاری محمد ہارون اسعدی نے اجلاسِ عام کے لیے ایک اہم میٹنگ کی جس میں ملک کے حالات پر ناظم عمومی جمعیة علماءہند نے تفصیلی روشنی ڈالی ۔ مولانا داﺅد امینی نے اپنے خطاب میں نمازیوں سے پہل کی کہ آپ دہلی والے میزبان ہیں آپکی ذمہ داری ہے کہ آنے والے مہمانوں کا کھلے دل سے استقبال کریں اور بھاری تعداد میں رام لیلا میدان میں شرکت کریں۔ نمازِ مغرب تا عشاءباغ والی مسجد میں حلقہ کے مساجد کے نمازیوں وعلماءنے شرکت کی اور ناظم عمومی جمعیة علماءہند مولانا حکیم الدین کے مختصر بیان سے لوگوں میں نئی طاقت وحوصلہ پیداہوا۔ مولانا محمد داﺅد امینی نے تمام علاقے کے ذمے دار لوگوں اور ائمہ کرام سے مخلصانہ اپیل کرتے ہوئے کہا کہ جمعیة علماءآپ کے ساتھ کھڑی ہے۔ جمعیة علماءہند نے ہمیشہ محبت کا پیغام دیا ہے۔ قابل ذکر ہے کہ مذکورہ بالا جمعیة علماءہند کے اجلاس عام میں (ملک میں بڑھتی ہوئی منافرتی مہم اور اسلاموفوبیا کے انسداد، آزاد مدارس کے سلسلے میں جاری سرکاری کارروائیوں کا تدارک، میڈیا کے ذریعہ اسلام مخالف اور حضور صلی اللہ علیہ وسلم کی شان میں گستاخی ،اختراپردوزی پرروک، یکساں سول کوڈ اور دستوری حقوق کے تحفظ اور عدلیہ کے حالہ متنازع فیصلوں کا جائزہ، مسلمانوں کے لئے ریزرویشن کے حصول اور اوقاف کے تحفظ کی تدابیر سدبھاﺅنا منچ کو مستحکم کرنا) سمیت مختلف درپیش مسائل کے پیش نظر لاکھوں کی تعداد میں رام لیلا میدان پہنچ کر اپنی شرکت کو لازم بنائیں۔اس موقع پر مولانا نسیم اختر امام مسجد باغ والی مسجد، حاجی سرور، حاجی ناصر، حاجی عارف، محمد سلمان، قاری محمد عارف بلند شہری، مولانا مرغوب قاسمی، مولاناعرفان ، مولانا غیور احمد قاسمی، قاری محمد ہارون اسعدی نے شرکت کی۔مولانا غیور قاسمی کی دعاءپر مجلس کااختتام ہوا۔
