ریاض،سعودی گرین انیشیٹو کے تحت سعودی عرب کی جازان یونیورسٹی میں 1,800 سے زیادہ درخت لگائے جا چکے ہیں۔سعودی پریس ایجنسی کی ایک حالیہ رپورٹ میں بتایا گیا ہے کہ یونیورسٹی کیمپس کے اردگرد متعدد مقامات پر کھجور کے 27 درخت لگائے گئے اور ایک بڑے رقبے پر گھاس اگائی گئی ہے۔درخت لگانے کے لیے اس جگہ کا انتخاب سعودی گرین انیشیٹو 2030 کے تحت کیا گیا تھا، جو کہ گرین ہاؤس گیسوں کے اخراج کو کم کرنے کے 10 بلین درخت لگانے کا سرکاری پروگرام ہے۔سعودی گرین انیشیٹو صحرائی اور آلودگی سے نمٹنے اور مملکت میں لوگوں کے معیار زندگی کو بہتر بنانے کا منصوبہ ہے۔اس کا مقصد 2030 تک 450 ملین درخت لگانا، 2060 تک "نیٹ زیرو” کے مقاصد کا حصول، کاربن کے اخراج کو کم سے کم کرنا، ملکی سطح پر ماحول دوست سبز توانائی کی صلاحیت کو 50 فیصد تک بڑھانا اور میتھین کے اخراج کو کم کرنا ہے۔جازان سعودی عرب کے جنوب مغرب میں واقع ملک کے سب سے زیادہ زرخیز علاقوں میں سے ایک ہے۔اس منصوبے کے تحت زمین کی تزئین کے ڈائریکٹر حسن بن حوی ضماد نے کہا کہ آنے والے دنوں میں کیمپس میں مزید 800 درخت لگائے جائیں گے۔
