نئی دہلی:وزیر خزانہ نرملا سیتا رمن نے ہنڈن برگ کی رپورٹ کے بعد اڈانی کے حصص پر جاری تنازعہ پر آج کہا کہ ہندوستانی ریگولیٹرز بہت تجربہ کار اور صورتحال سے نمٹنے کے قابل ہیں۔ جنرل بجٹ پیش کرنے کے بعد ریزرو بینک کے بورڈ آف ڈائریکٹرز کی میٹنگ سے خطاب کرتے ہوئے محترمہ سیتا رمن نے ایک سوال کے جواب میں صحافیوں کو بتایا کہ ہندوستانی ریگولیٹرز اڈانی گروپ سے متعلق معاملے اور ہنڈنبرگ ریسرچ سے پیدا ہونے والی صورتحال سے واقف ہیں۔ ہنڈنبرگ کی رپورٹ میں اڈانی گروپ پر اکاؤنٹنگ فراڈ، اسٹاک دھاندلی اور منی لانڈرنگ کا الزام لگایا گیا ہے ۔ اس کے بعد کمپنی کے شیئرز میں زبردست گراوٹ ہوئی جس کی وجہ سے گروپ کے چیئرمین گوتم اڈانی کی دولت میں زبردست کمی آئی ہے ۔ کل سپریم کورٹ نے کیپٹل مارکیٹ ریگولیٹر سیبی سے اس پر اپنا موقف پیش کرنے کو کہا ہے ۔وزیر خزانہ نے کہا کہ نیا ٹیکس نظام بجٹ کے فوکل پوائنٹس میں سے ایک ہے۔
