بلند شہر ،عازمین کی سہو لت کیلئے حج سہولت مرکز کا افتتاح آج اتوار کو ضلع حج تر بیتی اور ویکسی نیشن مرکز مدر سہ قا سمیہ عر بیہ اسلا میہ او پر کوٹ بلند شہر میں مہمان خصوصی و ضلع حج تر بیتی و ٹیکہ کیمپ کے انچارج حاجی نور محمد قریشی نے کیا۔ اس موقع پر حاجی نور محمد قریشی نے کہا کہ حج 2023 کے حج فارم 10 فروری 2023 سے آن لائن بھرے جا رہے ہیں جس کی آخری تاریخ 10 مارچ 2023 ہے اور اگر حج 2023 کے مقررہ کوٹے سے زیادہ درخواستیں آتی ہیں تو حج امیدواروں کاانتخاب قرعہ اندازی کے ذریعہ کیا جائے گا۔ قریشی نے کہا کہ اس سال حج کی ادائیگی گزشتہ سال کی بہ نسبت ارزاں ہوگی اور اس سال ہر عمر کے افراد حج کیلئے درخواست دے سکیں گے۔ حج 2023 کیلئے درخواست دینے والے حج امیدواروں کے پاس موبائل نمبراور فوٹو سفید شیٹ پر ہونا ضروری ہے۔
سا تھ ہی مشین ریڈ ایبل بین الاقوامی پاسپورٹ، آدھار کارڈ، پین کارڈ، بینک پاس بک کینسل چیک، بلڈ گروپ رپورٹ اور کورونا ویکسین کے دونوں سرٹیفکیٹ اپ لوڈ کرنا لازمی ہے۔ نئی حج پالیسی کے مطابق عازمین حج مفت آن لائن درخواست دے سکیں گے، گزشتہ سالوں میں درخواست کی فیس 300 روپے فی عازم حج تھی جسے حکومت نے رواں سال میں ختم کر دیا ہے۔ قریشی نے کہا کہ نئی حج پالیسی کی خصوصیت یہ ہے کہ 45 سال سے زائد عمر کی خواتین جو حج پر جانا چاہتی ہیں لیکن ان کے ساتھ کوئی مرد محرم نہیں ہے وہ حج کیلئے درخواست دے سکتی ہیں، لیکن ایک کور میں چار خواتین عازمین حج لازمی ہیں۔ تجربہ کار عازمین جنہوں نے حج کمیٹی سے پہلے حج کیا ہے اور دوبارہ حج کرنا چاہتے ہیں وہ+ 70 عازمین کے ساتھ ریپیٹر کے طور پر حج پر جاسکتے ہیں ،جس کیلئے70+ عازمین کی رضامندی لازمی ہے۔
پروگرام کی صدارت کرتے ہوئے مدرسہ کے پرنسپل مولانا عرفان احمد صدیقی نے کہا کہ ضلع سے جانے والے عازمین حج کو فارم بھرنے میں کسی قسم کی دشواری کا سامنا نہیں کرنا پڑے گا، اس لئے آج سے سفر حج 2023 کے موقع پر مدرسہ قاسمیہ عربیہ اسلامیہ میں حج سہولت سنٹر کا آغاز کر دیا گیا ہے۔بلندشہر سے جانے والے عازمین صبح 10 بجے سے دوپہر 2 بجے تک مفت حج فارم بھر سکتے ہیں۔
حج سہولت مرکز کے افتتاح کے پہلے دن ضلع سے جانے والے 8 عازمین نے حج 2023 کیلئے درخواست فارم بھرے ہیں۔ اس موقع پر سینئر ڈسٹرکٹ حج ٹرینر حاجی خورشید عالم راہی نے مہمان خصوصی حا جی نورمحمد قر یشی کو پھولوں کا گلدستہ دے کر استقبال کیا۔ اس موقع پر ڈاکٹر ظہیر احمد خا ں، اعجاز احمد صدیقی ایڈووکیٹ، ڈاکٹر محمد فا ضل اور مدرسہ کے تمام اساتذہ وملازمین وغیرہ موجود تھے ۔ مزید معلومات کیلئے ضلع کی حج ہیلپ لائن نمبر 9412503151، 9219123333 پر رابطہ کیا جا سکتا ہے۔
