دیوبند، راشٹریہ لوک دل کے سابق ریاستی صدر اور سابق مرکزی وزیر چودھری اجیت سنگھ کی 84ویں یوم پیدائش جوش وخروش کے ساتھ منائی گئی ۔ سہارنپور دہرہ دون چوک پر واقع پارٹی دفتر پر بڑی تعداد میں پارٹی عہدیداران اور کارکنان جمع ہوئے اور ان کی تصویر پر گل پوشی کرتے ہوئے انہیں خراج عقیدت پیش کی۔ اس دوران ایک میٹنگ کا انعقاد کیا گیا ، اس موقع پر ریاست اترپردیش کے سکریٹری چودھری دھیر سنگھ اور علاقائی سکریٹری بھورا ملک نے کہا کہ آنجہانی چودھری اجیت سنگھ ایمانداری اور سادگی کے زندہ مثال تھے ۔ انہوں نے مرکز میں بہت سی وزارتوں میں رہتے ہوئے عوام کے مفاد میں کام کئے اور 50سے زائد شوگر فیکٹریاں لگواکر کسانوں کےلئے کام کیا۔ انہوں نے کہا کہ 2009 میں میرٹھ اور دہلی میں گنے کی بڑی تحریک چلائی جس کے بعد اس وقت کی مرکزی سرکارکی جانب سے گنے کے لئے ایف اینڈ آر پی بنائے جانے کے قانون کی مخالفت کی اور اس کو منسوخ کرانے کا کام کیا ۔ قدرتی آفات کے تحت کسانوں کے ہونے والے نقصان کی بھرپائی کے لئے بھی انہو ں نے لڑائی لڑی اور کسانوں کو فائدہ دلایا۔
حاجی سلیم قریشی، چودھری ایوب حسن، اور رمیش چوہان نے کہا کہ آنجہانی چودھری اجیت سنگھ نے سماج کے اندر بھائی چارہ اور گنگا جمنی تہذیب کو بڑھانے کا کام کیا۔ انہوں نے کہا کہ چودھری اجیت سنگھ ہمیشہ ہر مذہب کی عزت کرتے تھے ، سماج وادی پارٹی کے سابق شہر صدر فیصل سلمانی ، حسین قریشی وغیرہ بھی پروگرام میں موجود رہے۔ اس کے علاوہ خاص طور سے ہرپال والمیکی، فخرالاسلام، گجیندر چودھری، محمد آصف، وسیم، وشال کامبوج، ساگر چودھری، سوریہ گوجر، وکا س سینی، وکی شرما، چودھری رام مہر ، نیرج پنیا وغیرہ موجود رہے۔
