حسب روایت امسال بھی جامعہ امام ابن تیمیہ مشرقی چمپارن،بہار میں ندوۃ الطلبہ والطالبات کے زیر اہتمام سالانہ تقریری پروگرام کا شاندار انعقاد عمل میں آیا۔تین دنوں تک جاری رہنے والے اس سالانہ انعامی مقابلے کا پہلا شیشن مورخہ 14/فروری 2023 کی صبح تقریبا نو بجے شروع ہوا۔مرحلہ متوسطہ کے طلبہ کے لئے "طالب علم کے نمایاں اوصاف” جیسا اہم موضوع منتخب کیا گیا تھا۔اکتیس(31) طلبہ نے پروگرام میں شرکت کی۔پروگرام کا آغاز طالب ممتاز مستقیم(اولی متوسطہ) کی تلاوت اور طالب توثیق رسول(ثالثہ متوسطہ) کی نعت سے ہوا۔اس کے بعد یکے بعد دیگرے تمام مشارکین نے اپنی اپنی تقریر پیش کی۔طلبہ نے پوری محنت سے مواد اکٹھا کیا تھا۔اکثر طلبہ نے مراجع اور مصادر کے ساتھ طالب علم کے نمایاں اوصاف کا تذکرہ کیا۔حکم کے فرائض شیخ عبید اللہ ندوی،قاری مجیب اللہ ندوی اور شیخ ابرار الحق ندوی صاحبان نے انجام دیے۔اس پروگرام میں ذیل کے طلبہ نے پوزیشن حاصل کی:پہلی پوزیشن:1-محمد عادل حسین عابد حسین(ثالثہ متوسطہ)2-ذاکر جمعہ دین(ثالثہ متوسطہ)3-ثمیر الدین سعید الرحمن(ثالثہ متوسطہ)دوسری پوزیشن:1-یعقوب نوشاد علی(ثالثہ متوسطہ)2-سعید الرحمن عبد السمیع(ثانیہ متوسطہ)تیسری پوزیشن:1-سجاد عالم اسلام انصاری(ثالثہ متوسطہ)2-سرفروز احمد مجیب الرحمن(ثانیہ متوسطہ)مذکورہ تمام طلبہ کو اساتذہ کرام کے ہاتھوں نقد انعام سے نوازا گیا۔پروگرام کے اخیر میں(راقم سطور) آصف تنویر تیمی نے صدارتی خطاب پیش کیا۔جس میں طلبہ کو اخلاص اور شوق جیسے اہم اوصاف سے اپنے آپ کو مزین کرنے کی نصیحت کی گئی۔پرگرام کے شروع اور اخیر میں محترم رئیسِ جامعہ جناب ڈاکٹر عبد اللہ بن محمد لقمان سلفی حفظہ اللہ دیگر ذمہ داران جامعہ بالخصوص ذمہ داران ندوة الطلبة کی کاوشوں کو سراہتے ہوئے دل کی گہرائی سے سبھوں کا شکریہ ادا کیا گیا،ساتھ ہی موسس جامعہ علامہ ڈاکٹر محمد لقمان السلفی رحمہ اللہ کی مغفرت اور بلندی درجات کے لئے دعا بھی کی گئی۔پروگرام تمام تر کامیابیوں کے ساتھ ساڑھے بارہ بجے(دن) میں ختم ہوا۔
