نئی دہلی، ویلکم لکڑی مارکیٹ مسجد کے سامنے والے روڈ پر جو سیور ہے وہ عام طو رپر ٹوٹ جاتا ہے کیوںکہ یہاں پر بڑی گاڑیوںکا آنا جانا رہتا ہے ویلکم لکڑی مارکیٹ میں جو آئرن مارکیٹ ہے یہاں پر لوہے کا بڑا کاروبار کیا جاتا ہے جس کی وجہ سے لوڈیڈ گاڑیوں کو آنا جانا رہتا ہے۔ یمنا پار آئرن ٹریڈرس ایسوسی ایشن کے مطالبے پر سیلم پور ممبر اسمبلی عبدالرحمن نے لوگوںکو یقین دہانی کرائی کہ وہ اس مرتبہ بہت مضبوط سیور لائن ڈلوئیں گے ۔ اس موقع پر جمنا پار ٹریڈرس ایسوسی ایشن کے چیئرمین حاجی رئیس نے بتایا کہ یہ پریشانی کافی دنوں سے تھی اس سلسلہ میں ہم نے سیلم پورممبر اسمبلی سے ملاقات کی اوارن کا بتایا کہ ہمارے یہاں بڑی گاڑیوں کی آمدورفت رہتی ہے جس کی وجہ سے سیور لائن پر بنائے گئے ڈھکن ٹوٹ جاتے ہیں جبکہ ہمارے علاقے کا دوسرا حصہ روہتاش نگر اسمبلی حلقہ میں آتا ہے وہاں بھی اسی پریشان کا سامناہے ممبر اسمبلی عبدالرحمن نے جل بورڈ ،ایم سی ڈی افسران اور روہتاس نگر ممبر اسمبلی جتیندر مہاجن سمیت مقامی کونسلر کو بھی بلایا اور باقاعدہ یہاں دورہ کیاگیا جس کے بعد قبرستان کے اندر والے روڈ پر مقامی کونسلر نے فوری طو رپر صفائی کرائی کچھ لوگوں کا کہنا تھا کہ یہاں کا صفائی نظام درہم برہم ہوگیا ہے اور یہاں گندگی رہتی ہے جبکہ سیور کے معاملے میں سیلم پور اور روہتاش نگر اسمبلی بارڈ ر بنے ہوئے تھے اور ایک دوسرے پر اس کام کو ٹالاجارہا تھا ۔ آج سیلم پور ممبر اسمبلی نے سرکاری افسران اور بی جے پی ممبر اسمبلی جتیندر مہاجن کے ساتھ دورہ کیا اس موقع پر ویلکم لکڑی مارکیٹ کے مقامی لوگ بھی بڑی تعداد میں موجود تھے۔
