نوح،میوات،(محمد زاہد امینی)مرکز نظام الدین دہلی کے زیر نگرانی چلنے والے علاقہ میوات کی مشہور و قدیمی تعلیمی درسگاہ اور ام المدارس کے نام سے موسوم جامعہ عربیہ معین الاسلام نوح کے طلباءکو امسال بھی ختم بخاری شریف کی تقریب میں رئیس التبلیغ حضرت جی مولانا محمد سعد کاندھلوی دامت برکاتہم کی شرکت کی سعادت حاصل ہوئی جس سے مدرسہ کے اساتذہ و طلباءمیںخوشی کا ماحول ہے۔ دستار فضیلت سے نوازے گئے محمد آصف باون کھیڑی نے نمائندے کو جانکاری دیتے ہوئے بتایا کہ امسال مدرسہ سے بخاری شریف ختم کرنے والے دورہ حدیث کے 16 فضلاءمحمد زبیر کھیڑی، اظہر سلمبہ، اصغر سبلانہ ، آصف لوہینگا، نوید اومرا، آصف باون کھیڑی، مبارک اٹاوڑ، مبارک رائے پور، ابوبکر بسئی، ارشاد تھوس، جنید دوہا، قاسم ستواڑی، ساجد والیہ باس و ساجد سانچولی کو سند و دستار فضیلت سے نوازا گیا ۔ طالب علم محمد زبیر کھیڑی نے حضرت جی مولانا محمد سعد و تمام علمائے کرام کی موجودگی میں بخاری شریف کی آخری حدیث پڑھی۔ بعد ازیں حضرت جی مولانا محمد سعد کاندھلوی نے فارغ التحصیل طلباءکو ایک ایک سال جبکہ دیگر طلباءکو سالانہ چلہ لگانے کی ترغیب دی جس پر طلبا نے ایک ایک سال اور چلہ کے لیے اپنے اپنے نام پیش کیے ۔وہیں جامعہ محمدیہ میل کھیڑا کے درجن بھر طلباءراقب کھائیکا، سلیم ٹپکن، ارشد سبلانہ ، روبن، ضیاءالحق، سیف اللہ چندینی، عمران رسگن و ذیشان اندانہ نے مذکورہ تقریب میں شرکت کر درستار فضیلت سے نوازے گئے اپنے ساتھیوں کو پھول مالائیں پہنا کر ان کو مبارکباد پیش کی اور خوشی کا اظہار کیا ۔
