پونہ، آج یہاں شہر پونہ کے مشہور ادارہ دار العلوم رشیدیہ کونڈوہ پونہ کا پانچواں عظیم الشان سالانہ جلسہ دستار بندی و تقسیم اسناد منعقد ہوا جس کی صدارت حضرت مولانا حافظ محمد ندیم صدیقی صاحب( صدر جمعیتہ علماءمہا راشٹر ) نے فرمائی اجلاس کا آغاز مدرسہ کے شعبہ حفظ کے طالب علم عبداللہ پنڈاری کی تلاوت قرآن کریم سے ہوا ،اس کے بعد مدرسہ کے طلباءنے حمد و نعت اور مکامات کے ذریعہ اپنا بہترین پروگرام پیش کیا ،جس سے عوام الناس کافی محظوظ ہوئی ،اور خوشی و مسرت کا اظہار کیا ،طلباءکے پروگرام کے بعد 4خوش نصیب طلباءجنہوں نے امسال تکمیل حفظ قرآن کی سعادت حاصل کی ہے ،انہیں صدر جلسہ مولانا حافظ محمد ندیم صدیقی صاحب ،مہمان خصوصی قاری شمس الحق صاحب اودگیر ، مولانا محمد ابراہیم قاسمی صاحب شولاپور کے ہاتھوں دستار فضیلت سے نوازہ گیا ،اور سند حفظ تقسیم کی گئی ، مہتمم مدرسہ مفتی محمد شاہد قاسمی صاحب نے مدرسہ کی پانچ سالہ کارکردگی اور آئندہ کے عزائم پیش کرتے ہوئے معاونین اور شرکاءجلسہ کا شکریہ ادا کیا۔اس موقع پر صدر اجلاس مولانا حافظ محمد ندیم صدیقی صاحب نے مدارس اسلامیہ کی اہمیت و افادیت پر روشنی ڈالتے ہوئے فرمایا کہ مدارس اسلامیہ دین کے قلعے ہیں جب تک یہ محفوظ ہیں ہمارا ایمان محفوظ ہے ،حافظ قرآن ہونا کوئی آسان کام نہیں ہے دنیاوی اعلی تعلیم حاصل کرنے والوں سے کہیں زیادہ حفظ کرنے والے طالب علم کو محنت کرنی پڑتی ہے ،لہٰذا مسلمانوں کا ایمانی و اخلاقی فریضہ ہے کہ وہ مدارس ،علماء،حفاظ کی قد رکریں ،اور اس کی ذمہ داری کو سمجھتے ہوئے جس طرح ممکن ہو تعاون کریں۔مہمان خصوصی قاری شمس الحق صاحب ناظم مدرسہ قاسم العلوم اودگیر لاتور نے اپنے قیمتی خطاب میں بتایا کہ مدرسہ اللہ تعالی کی بہت بڑی نعمت اور اس کا چلانا مشکل ترین کاکام ہے ،حضرت عطاءاللہ شاہ بخاری رحمتہ اللہ کی طرف منسوب کرتے ہوئے یہ قول انہوں نے نقل کیا کہ مدرسہ کے طلباء،اساتذہ،ذمہ دار اور معاونین کو انہوں نے مبار کبادی پیش کی کہ آپ دین کی بہترین خدمت انجام دے رہے ہیں۔
مولانا محمد ابراہیم قاسمی صاحب ( صدرجمعیتہ علماءضلع شولاپور ) نے بتایا کہ موجودہ حالات میںامت مسلمہ اپنے نازک ترین دور سے گذر رہی ہیں،اس لئے مدارس کو زندہ رکھنا ہم سب کی اولین ذمہ داری ہے۔ جلسہ کی نظامت کے فرائض مدرسہ کے استاذ قاری محمد سعد صاحب اور مولانا محمد عمیر قاسمی صاحب نے انجام دیئے ،اجلاس میں بڑی تعداد میں ،علمائ،ائمہ ،حفاظ ،اور عوا م الناس نے شرکت کی ،جس میں بطور خاص مولانا توصیف خاص ،مولانا عبد الرؤف صاحب ،مولانا عرفان صاحب ، مولانا ابرار صاحب، مفتی جمیل صاحب ،مولانا منصور صاحب،سر پرست مدرسہ ہذا زاہد بھائی ، حاجی نگر سیوک ،ایڈوکیٹ غفور پٹھان صاحب ، رئیس سنڈکے ،حاجی فیرز صاحب ، راشٹر وادی اقلیتی صدر سمیر بھائی و دیگر شامل تھے۔ صدر مولانا ندیم صدیقی صاحب کی دعاءپر اجلاس کا اختتام عمل میں آیا۔
