نئی دہلی:کورونا وبا کے بعد زندگی اپنی پٹری پر واپس آچکی ہے اور مختلف شعبہ جات کی تمام سرگرمیاں بحال ہو گئیں ہیں ۔ گذشتہ برس تعلیم کے ساتھ ساتھ ثقافتی اور کھیل کود سرگرمیاں روایت کے مطابق منعقد کی گئیں ۔ ڈاکٹر ذاکر حسین میموریل سینیر سیکنڈری اسکول ،جعفرآباد نے بھی اپنی روایت کو قائم کرتے ہوئے محکمہ تعلیم کی جانب سے منعقدہ تمام تر سرگرمیوں میں نہ صرف حصہ لیا بلکہ زون ۔5 کی کھیل کود سرگرمیوں میںاپنی چیمپین شپ کو برقرار رکھتے ہوئے مختلف زمروں میں 60گولڈ میڈل حاصل کےے۔سال 2022میں منعقدہ کھیل کود اور ثقافتی سرگرمیوں میں بہترین مظاہر ہ کرنے والے اسکولوں اور ان کے طلبا کو ان کی نمائندہ کار کردگی کے لےے انعامات سے نوازا گیا۔سالانہ تقسیم ِ انعامات برائے کلچرل اور کھیل کود کی یہ محفل زون۔5، ضلع شمال مشرقی دہلی، محکمہ تعلیم حکومت ِ دہلی کی جانب سے گورنمنٹ سروودیہ کنیا دودیالیہ ، شاستری پارک میںاس ماہ 14مارچ کو منعقد کی گئی۔مہمانِ خصوصی کے طور پر اشوک کمار( ڈی ۔ڈی ۔ای ڈسٹرکٹ شمال مشرقی دہلی) نے شرکت کی۔ ان کے علاوہ او۔پی آنند (ڈی۔ڈی۔ای زون ۔6)،بی۔پی کنجن (زون۔5) ،کملیش چندرا ( ایس۔پی۔ای زون۔5اور6)، چاند بابو(کنوینر کھیل کود)، کے ۔ایس ترپاٹھی(کنوینر کلچرل پروگرام) ،و دیگرکی شرکت اہم تھی۔ اس پروگرام میں ، بین الاقوامی، قومی، ریاستی اور ضلعی سطح پر اہم مقام حاصل کرنے والے طلبہ کو انعامات و اسناد سے نوازا گیا۔ ڈاکٹر ذاکر حسین اسکول نے سبھی زمروں میں شرکت کر ہر ایک میں نمایاں مقام حاصل کیا۔ بارھویںجماعت کے مونو نے ریسلنگ مقابلے میں قازقستان جا کر شرکت کی۔ اس کے لےے انھیں سند اور انعام سے نوازا گےا۔ ہینڈ بال قومی سطح پرساحل، آیوش کمار،اور شیوم کمار نے گولڈ میڈل حاصل کےے، 400میٹر کی دوڑ میں عبدالقادر، محمد ارمان ، اورپونِت کمار نے سلور میڈل اور ٹرپل جمپ میں فیضل نے برانز میڈل حاصل کیا۔ ہینڈ بال ریاستی سطح پرلڑکوں کی ٹیم نے اول مقام درج کیا۔ایٹھلیٹکس میں اسکول کے طلبا نے مجموعی طور پر 22 گولڈ ، 4سلور اور 1برانز میڈل حاصل کیا۔ کھیلو انڈیا کی 400میٹر دوڑ میں محمد ارمان نے سلور میڈل پر قبضہ کیا۔ ایتھلیٹکس زونل سطح پر طلبا نے مجموعی طور 34گولڈ، 10سلور اور 5برانز میڈل حاصل کےے۔ 17سالہ لڑکوں کی ہینڈ بال ٹیم نے اول اور 19سالہ ٹیم نے دوسرے پائیدان پر جگہ بنائی۔ اسی زمرے میں 17سالہ لڑکیوں کی ٹیم نے برانز میڈل حاصل کیے۔17سالہ لڑکوں کی ریسلنگ ٹیم نے گولڈ میڈل حاصل کیا۔ اس طرح ڈاکٹر ذاکر حسین اسکول کے طلبا نے تقریبا 100میڈل حاصل کرکے یہ ثابت کر دیا کہ کھیلوں کے میدان میں گذشتہ برسوں کی طرح ان کا دب دبہ برقرار ہے۔ لڑکے اور لڑکیوں دونوں کی مجموعی چیمپین شپ ڈاکٹر ذاکر حسین اسکول کے پاس رہی۔اسی اسکول کے شبینہ، سلطانہ، شیوانی اور محمد فیصل کو بیسٹ ایتھلیٹ کے خطاب سے نوازا گیا۔ سال 2022-23کےٹیچر ایکسیلینس ایوارڈکے لےے ڈاکٹر ذاکر حسین اسکول کے فزیکل ایجوکیشن ٹیچر اور ہیڈ بال کے این۔ آئی ۔ ایس کوچ ریاست علی کا انتخاب کیا گیا۔ اس طر ح استاد اور ان کے طلبا نے عالمی پیمانے پر اپنے ملک، شہراور اسکول کا نام روشن کیا۔انعامات حاصل کرنے کے بعد طلبا کا قافلہ ایوارڈ ، میڈل اور اسناد کے ذخیرے کے ساتھ اسکول پہنچا تو خوشی کی لہر دوڑ گئی۔اسکول کے وائس پرنسپل ریاض الحسن خان نے طلبا کی حوصلہ افزائی کی اور انھیں مستقبل میں سی طرح بہترین مظاہرے کی ترغیب دی۔ تمام اساتذہ نے طلبا کو مبارک باد پیش کی اور دعاؤں سے نوازا۔ فوٹو گراف کا سلسلہ شروع ہوا تو دیر تک جاری رہا اور مٹھائی بھی تقسیم کی گئی۔
