رام پور, فعال ایکٹیوٹی بی کی بیماری مائیوبیکٹریریم ٹیوبرکلوسس جیسے ایک بیکٹیریا کے انفیکشن کی وجہ سے ہوتی ہے۔ٹی بی بالعموم انسان کے پھیپڑوںکومتاثر کرتی ہے۔ لیکن کبھی کبھار یہ جسم کے دوسرے حصوںکوبھی متاثرکرسکتی ہے۔ جیساکہ لمف، غدود، گردے اورہڈیاںوغیرہ متاثرکرتی ہے۔ ان خیالات کا اظہارچیف میڈیکل آفیسرڈاکٹرایس پی سنگھ نے اخبارنویسوںسے گفتگوکرتے ہوئے کیاہے۔ انہوںنے کہاکہ رام پورضلع کی تخمینی آبادی 2645020 ہے ۔ جہاں ٹی بی یونٹس کی تعداد 13ہے جن میں ڈی ٹی سی اربن ، پی ایچ سی دومحلہ، چمروہ، کیمری، ملک، شاہ آباد، مسواسی، ٹانڈہ، سوار، بلاس پور، رج پورہ، سید نگر اورپٹوائی شامل ہیں۔مائکرواسکوپی سینٹر30 ،سی بی نیٹ سپٹم ٹیسٹنگ کی سہولت شاہ آباداور ڈی ٹی سی میںہے۔ضلع میں ڈاٹس مراکز کی تعداد1067ہے ۔سی ایم اونے بتایاکہ سال 2022 میں 8150 کے ہدف کے مقابلے میں 7585 ٹی بی کے مریضوں کا کامیاب علاج رام پورمیںکیا گیاہے۔ سال 2023 میں جنوری سے 22 مارچ 2023 تک ٹی بی کے 1618 مریضوں کا کامیاب علاج ہوچکاہے۔مارچ 2023 کے ایکٹو کیس فائنڈنگ کے سروے میں 6042 کی چھان بین کی گئی جس میں ٹی بی کے 139 نئے مریضوں کی نشاندہی کی گئی ۔سال 2023 میں ٹی بی کے 212 مریضوں کو مختلف اداروں کی طرف سے اپنا کر نیوٹریشن ڈائیٹ دی گئی۔ سال 2022-23 میں ڈی بی ٹی کے ذریعے 7027 ٹی بی کے مریضوں کو 1,088,7000 روپے ادا کئے گئے ہیں۔ انہوںنے بتایاکہ آج 24مارچ کوعالمی یومِ ٹی منایاجائے گا۔وزیراعظم نریندرمودی نیٹ کے ذریعے صحافیوںسے بھی مخاطب ہوںگے۔ انہوںنے ٹھاناہے کہ2025تک دیش سے ٹی بی کاخاتم ہوجائے۔ ٹی بی کولیکرایک پروگرام بھی کیاجائے گا۔ اس موقع پرڈی ٹی او ڈاکٹر ستویر سنگھ بھی،اخلاق احمدخاں، کامران رحمت موجودرہے۔
