نئی دہلی،جمعیتہ علماءہند ہمیشہ ملک و ملت اور قوم کی فلاح و بہبود کیلئے کوشاں رہتی ہے. مظلوموں،بے سہارا، غریبوں اور مسکینوں کی داد رسی اور مدد کے لیے ہمیشہ کمر بستہ رہتی ہے۔اسی نہج پر عمل پیرا رہتے ہوئےجمعیتہ علماءصوبہ دہلی بھی خدمت خلق کو اپنے لیے سعادت سمجھتی ہے اور ہر موقع پر بلا تفریق مذہب و مسلک پریشان حال لوگوں کی مسلسل مدد کرتی رہتی ہے۔بطورخاص رمضان المبارک کے اس مقدس مہینے میں مولانا سید ارشد مدنی صدرجمعیتہ علماءہند کی خصوصی ہدایت پر عمل کرتے ہوئےجمعیتہ علماءصوبہ دہلی کی جانب سے آج مفتی عبدالرازق مظاہری ناظم اعلٰی جمعیتہ علماءصوبہ دھلی کی سربراہی میں دہلی کے شرم وہار میں روہنگیائی پناہ گزینوں میں رمضان کٹس تقسیم کی گئیں جس میں تمام طرح کا راشن اور افطاری وسحری کے لئے کھجور وسویاں وغیرہ شامل ہیں اس موقع پر مفتی عبد الرازق کے علاوہ قاری محمد صادق،مولانامحمد راشد،قاری عبدالمنان،مولانامحمداحمد،حافظ محمد علی اورمحمداسامہ وغیرہ شریک رہے۔
