سرینگر، جموں و کشمیر میں پچھلے تین سے چار سالوں میں ترقی کی رفتار میں ایک ’’مثالی تبدیلی ‘‘آئی ہے کی بات کرتے ہوئے لیفٹنٹ گورنر منوج سنہا نے کہا کہ گزشتہ 10ماہ میں 1547.87 کروڑ روپے کی سب سے زیادہ سرمایہ کاری ہوئی اور اس سال سب سے زیادہ 1.88 کروڑ سیاحوں نے جموں و کشمیر کا دورہ کیا ۔ اسی دوران انہوں نے مزید کہا کہ سرکاری ملازمتوں کیلئے بھرتی عمل میں شفافیت ہماری اولین ترجیحات میں شامل ہے اور بھرتی عمل میں ذرا سا بھی شک ہوا تھا قصور وار کو بخشا نہیں جائے گا ۔ تفصیلات کے مطابق جموں و کشمیر کے بجٹ 2023-24سے متعلق جموں میں ایک پریس کانفرنس سے خطاب کرتے ہوئے لیفٹنٹ گورنر منوج سنہا نے کہا کہ جموں و کشمیر میں پچھلے تین سے چار سالوں میں ترقی کی رفتار میں ایک ’’مثالی تبدیلی ‘‘آئی ہے انہوں نے کہا کہ گزشتہ 10 ماہ کے دوران 1547.87 کروڑ روپے کی اب تک کی سب سے زیادہ سرمایہ کاری موصول ہوئی ہے اور گزشتہ 3 سالوں کے دوران 500 اسٹارٹ اپس سامنے آئے ہیں۔لیفٹنٹ گورنر نے مزید کہا کہ پچھلے سال جموں و کشمیر میں 14.64 فیصد کی اقتصادی ترقی ہوئی ہے اور ٹیکس ریونیو میں 31 فیصد اضافہ ہوا ہے۔انہوں نے کہا کہ جموں و کشمیر میں امن و امان کی صورتحال قابل تعریف طور پر بہتر ہوئی ہے اور اس سال سب سے زیادہ 1.88 کروڑ سیاحوں نے جموں و کشمیر کا دورہ کیا۔ پریس کانفرنس سے خطاب کرتے ہوئے منوج سنہا نیانہوں نے کہا کہ جموں و کشمیر پردھان منتری گرام سڑک یوجنا ،امرت سروور، اسکیم، آزادی کا امرت مہوتسو، نشا مکت ابھیان اور قابل تجدید توانائی کی ترقی جیسی اسکیموں کے نفاذ کیلئے ملک میں سرفہرست کارکردگی کا مظاہرہ کرنے والوں میں شامل ہے۔لیفٹنٹ گورنر نے کہا’میرا نوجوان میرا فخر، ہر دن کھیل ہر ایک کے لیے کھیل‘ کے تحت، انہوں نے کہا، اس سال تقریباً 50 لاکھ نوجوانوں نے مختلف کھیلوں کی سرگرمیوں میں حصہ لیا ہے‘‘۔انہوں نے کہا کہ ریاستوں؍مرکز کے زیر انتظام علاقوں میں جموں و کشمیر پہلا ہے جس کے پاس ضلعی سطح پر عوامی خدمات کی فراہمی کا اندازہ لگانے کے لیے ضلعی گڈ گورننس انڈیکس ہے۔’’خواہش مند پنچایت ترقیاتی پروگرام، خواہش مند بلاک ترقیاتی پروگرام اور خواہش مند ٹاؤن ڈیولپمنٹ پروگرام جموں و کشمیر میں نافذ کیے جانے والے تین نئے اقدامات ہیں۔‘‘انہوں نے کہا کہ اس سال کے آخری 10 مہینوں کے دوران 1547.87 کروڑ روپے کی اب تک کی سب سے زیادہ سرمایہ کاری ہوئی ہے۔ ’گزشتہ 3 سالوں کے دوران 500 اسٹارٹ اپس سامنے آئے ہیں‘۔انہوں نے کہا کہ بے روزگاری کی شرح میں معمولی کمی آئی ہے۔ 33426 آسامیاں ریکروٹنگ ایجنسیوں کو بھیج دی گئی ہیں۔ 25450 انتخاب کیے گئے ہیں جن میں جے اینڈ کے بینک لمیٹڈ کے 2436 انتخاب شامل ہیں۔ تقریباً 202749 نوجوانوں کو مختلف سیلف ایمپلائمنٹ اسکیموں کے تحت کور کیا گیا ہے، اگلے سال تقریباً 3 لاکھ کو تمام خود روزگار سکیموں کے تحت کور کیا جائے گا۔لیفٹنٹ گورنر نے کہا ’’یہ گزشتہ تین سے چار سالوں میں جموں و کشمیر میں ترقی کی رفتار میں ایک مثالی تبدیلی ہے۔ لیفٹنٹ گورنر منوج سنہا نے کہا کہ سرکار کسی بھی طرح کی بھرتی عمل میں شفافیت کو یقینی بنانے کیلئے کام کر رہی ہے اور جہاں کہیںبھی سرکاری ملازمت کیلئے بھرتی عمل ہو گی اس میں مکمل طور پر شفافیت ہو گی ۔
