کجریوال حکومت ایم سی ڈی کے کنٹریکٹ اساتذہ کے ساتھ کھڑی ہے:آتشی

نئی دہلی ،وزیر تعلیم آتشی اور میئر شیلی اوبرائے نے منگل کو MCD اسکولوں کے کنٹریکٹ اساتذہ سے ملاقات کی۔ اساتذہ کے کنٹریکٹ کی تجدید کے حوالے سے تحفظات دور کرتے ہوئے وزیر تعلیم اور میئر نے یقین دلایا کہ جلد ہی ان کے کنٹریکٹ کی تجدید کے عمل کو ہموار کیا جائے گا۔ اس موقع پر وزیر تعلیم آتشی نے کہا کہ وزیر اعلیٰ اروند کیجریوال کی یہ ہمیشہ سے ترجیح رہی ہے کہ وہ سرکاری اسکولوں کے اساتذہ کو بہتر کام کا ماحول اور احترام فراہم کریں۔ اس سمت میں، ہم ایم سی ڈی اسکولوں میں کام کرنے والے کنٹریکٹ اساتذہ کے ساتھ کھڑے ہیں اور ان کے کنٹریکٹ سے متعلق تمام مسائل کو ختم کرنے کے لیے کام کر رہے ہیں۔ میئر شیلی اوبرائے نے یہ بھی کہا کہ تعلیم ہماری ترجیح ہے، کنٹریکٹ کے حوالے سے اساتذہ کے تمام مسائل حل کریں گے اور جلد ایم سی ڈی کے کنٹریکٹ اساتذہ کے کنٹریکٹ کی تجدید کریں گے۔سرکاری اسکولوں میں اساتذہ کو بہتر کام کرنے کا ماحول فراہم کرنے پر زور دیتے ہوئے، وزیر تعلیم آتشی نے کہا، "یہ ضروری ہے کہ اساتذہ طلباء کو معیاری تعلیم فراہم کر سکیں۔ 2015 سے پہلے دہلی کے سرکاری اسکولوں میں بھی مہمان اساتذہ کے کنٹریکٹ کی تجدید ایک بڑا مسئلہ تھا، لیکن جب سے دہلی میں اروند کیجریوال جی کی حکومت آئی ہے، کنٹریکٹ اساتذہ کے کنٹریکٹ کی تجدید بغیر کسی درخواست کے خود بخود ہو جاتی ہے۔وزیر تعلیم آتشی اور میئر شیلی اوبرائے نے ایم سی ڈی اسکولوں کے اساتذہ کو یقین دلایا کہ دہلی کے سرکاری اسکولوں کی طرح اب ایم سی ڈی اسکولوں کے اساتذہ کے کنٹریکٹ کی تجدید کے عمل کو ہموار بنایا جائے گا اور ایم سی ڈی کے اساتذہ کو اس مسئلہ سے پریشان ہونے کی ضرورت نہیں ہوگی۔وزیر تعلیم آتشی اور میئر شیلی اوبرائے نے اساتذہ کو یقین دلایا کہ حکومت ان کے اور ان کے طلباء کو بہتر ماحول فراہم کرنے کے لیے پرعزم ہے۔میئر شیلی اوبرائے نے کہا، ‘وزیر اعلی اروند کیجریوال کی رہنمائی میں دہلی حکومت نے ہمیشہ تعلیم کو اپنی ترجیح بنایا ہے۔ اب جبکہ ایم سی ڈی میں بھی عام آدمی پارٹی کی حکومت ہے تو یہاں بھی تعلیم ہماری ترجیح ہوگی۔ انہوں نے کہا کہ اسٹینڈنگ کمیٹی کا انتخاب نہ ہونے کی وجہ سے کنٹریکٹ کی تجدید کے عمل میں تھوڑی تاخیر ہوئی ہے تاہم ہم پوری کوشش کر رہے ہیں کہ ایم سی ڈی سکولوں کے تمام اساتذہ کے کنٹریکٹ کی جلد از جلد تجدید کی جائے۔اہم بات یہ ہے کہ میٹنگ کے دوران آر کے پورم ایم ایل اے پرومیلا ٹوکس اور ایجوکیشن سکریٹری اشوک کمار بھی موجود تھے۔بتا دیں کہ ایم سی ڈی اسکولوں میں تقریباً 2200 کنٹریکٹ ٹیچر کام کر رہے ہیں۔ ان کنٹریکٹ اساتذہ کو کنٹریکٹ کی تجدید کے سلسلے میں مسلسل چیلنجز کا سامنا ہے، جس سے ایم سی ڈی اسکولوں میں ان کا کام متاثر ہو رہا ہے۔ میئر شیلی اوبرائے اس سمت میں ترجیحی بنیادوں پر کام کر رہی ہیں اور جلد ہی ان اساتذہ کے کنٹریکٹ کی تجدید کی جائے گی۔