نئی دہلی، ملک میں گزشتہ 24 گھنٹوں میں 1580 لوگ کووڈ-19 انفیکشن سے صحت یاب ہو گئے ہیں، جس کی وجہ سے کورونا سے صحت یاب ہونے والوں کی کل تعداد بڑھ کر 4,41,13,761 ہو گئی ہے ۔ صحت کی شرح 98.78 فیصد ہے ۔ مرکزی وزارت صحت اور خاندانی بہبود نے ہفتہ کو کہا کہ صبح 7 بجے تک 219 کروڑ 71 لاکھ سے زیادہ ویکسین لگائی گئی ہیں۔ اس دوران ملک میں کورونا کے 1080 نئے کیسز سامنے آئے ہیں جس سے متاثرین کی تعداد 4,46,59,447 ہو گئی ہے ۔ وزارت نے کہا کہ ملک میں گزشتہ 24 گھنٹوں کے دوران پانچ ریاستوں میں کورونا کے 38 زیر علاج معاملوں میں اضافہ ہوا ہے ۔ اس مدت کے دوران، گجرات میں سب سے زیادہ 19 ایکٹو کیسز ہیں، میزورم میں 12، اتراکھنڈ میں چار ایکٹو کیسز ہیں۔ دریں اثنا، کورونا وبا کی وجہ سے پانچ مریضوں کی موت ہو گئی ہے جس سے ملک میں اموات کی تعداد 5,30,486 ہو گئی ہے ۔ شرح اموات 1.19 فیصد ہے ۔ کیرالہ میں بھی 111 ایکٹو کیسز کی کمی کے ساتھ ان کی تعداد 2,945 پر آ گئی ہے ۔ اس وبا سے چھٹکارا پانے والوں کی کل تعداد 67,48,514 تک پہنچ گئی ہے اور مرنے والوں کی تعداد 7,14,10 پر مستحکم ہے ۔ تمل ناڈو میں کورونا وبا کے فعال کیسز 85 سے کم ہو کر 1,224 پر آ گئے ہیں اور اس وبا سے صحت یاب ہونے والوں کی تعداد بڑھ کر 35,53,305 ہو گئی ہے اور مرنے والوں کی تعداد 38,048 ہے ۔ گجرات میں 19 معاملوں کے اضافے کے ساتھ اب ان کی تعداد بڑھ کر 455 ہو گئی ہے ۔ اس وبا سے چھٹکارا پانے والوں کی کل تعداد 12,65,484 تک پہنچ گئی ہے اور مرنے والوں کی تعداد 11,039 ہو گئی ہے ۔ میزورم میں کووڈ-19 انفیکشن کے 12 معاملے بڑھ کر 40 ہو گئے ہیں۔ اس وبا سے صحت یاب ہونے والوں کی کل تعداد بڑھ کر 2,38,074 ہو گئی ہے اور مرنے والوں کی تعداد 726 ہو گئی ہے ۔قومی راجدھانی میں کورونا وبا کے 25 کیسز کم ہونے کے ساتھ ہی ریاست میں ایکٹو کیسز کم ہو کر 293 ہو گئے ہیں۔ اس وبا سے چھٹکارا پانے والوں کی تعداد 19 لاکھ 79 ہزار 639 ہو گئی ہے جب کہ اس عرصے کے دوران ایک مریض کی موت سے ہلاکتوں کی تعداد 26 ہزار 511 ہو گئی ہے ۔ کرناٹک میں بھی 73 فعال کیسوں کی کمی کے ساتھ ان کی تعداد 1,843 پر آ گئی ہے ۔ اس وبا سے چھٹکارا پانے والوں کی کل تعداد 40,27,267 تک پہنچ گئی ہے اور مرنے والوں کی تعداد 40,299 پر مستحکم ہے ۔ مغربی بنگال میں کووڈ-19 انفیکشن کے 46 کیسوں میں اضافے کے ساتھ ہی فعال کیسوں کی تعداد بڑھ کر 442 ہو گئی ہے اور اب تک 20,96,172 لوگ اس وبا سے آزاد ہو چکے ہیں اور مرنے والوں کی تعداد 21,529 ہے ۔ اڈیشہ میں 66 کیسز کم ہو کر 220 ہو گئے ہیں۔ اس وبا سے چھٹکارا پانے والوں کی کل تعداد 13 لاکھ 26 ہزار 809 تک پہنچ گئی اور مرنے والوں کی تعداد 9 ہزار 203 ہو گئی۔
