سرینگر، این آئی اے نے سوموار کو ممنوعہ عسکریت جماعت حزب المجاہدین کے سربراہ سید صلاح الدین کے فرزند کی جائیداد قرق کرلی ہے ۔ ان کے خلاف یو پی اے ایکٹ کے تحت کئی کیس درج تھے جن میں انہیں وادی میں ملٹنسی کو بڑھاوادینے کیلئے رقومات کی منتقلی کا الزام لگایا تھا ہے ۔ تفصیلات کے مطابق قومی تحقیقاتی ایجنسی این آئی اے نے سرینگر کے رام باغ علاقے میں اینٹی ملٹنسی مہم کے تحت صلاح الدین کے فرزند کی جائیداد قرق کرلی ہے ۔ این آئی اے کے کی جانب سے جاری کردہ بیان میں کہا گیا ہے کہ سید احمد شکیل ولد سید یوسف شاہ عرف سید صلاح الدین سے منسلک جائیداد زنمبر سروے نمبر 1917/1566، 1567 اور 1568 جو ریونیو اسٹیٹ، نرسنگ گڑھ، محلہ رام باغ، سری نگر جموں و کشمیر میں واقع ہے۔ کو یو پی اے ایکٹ کے تحت انسداد ملٹنسی کارروائی کے طور پر قرق کرلی گئی ہے ۔ موصوف کے خلاف کئی کیس این آئی اے کے پاس درج تھے جن میں ان پر الزام عائدکیا گیا ہے کہ وہ وادی کشمیر میں تشدد کو بھڑکانے اور عسکریت پسندوں کو فنڈ مہیا کرنے میں ملوث رہے ہیں ۔یہاں یہ بات قابل ذکر ہے کہ این ائی اے کی جانب سے پہلے ہی شکیل احمد سے پوچھ تاچھ کی گئی تھی اور ان کے گھر کی تلاشی بھی لی گئی تھی جس دوران این آئی اے نے دعویٰ کیا تھا کہ ان کے گھر سے کئی قابل اعتراض دستاویزات بشمول الیکٹرانک آلات برآمد کئے گئے تھے ۔ یہاں یہ بات قابل امر ہے کہ این آئی کی جانب سے وادی میں متعدد جگہوںپر اس طرح کی کارروائی انجام دی گئی ہے ۔
