پٹنہ ، 21 مارچ ، زیر اعلی نتیش کمار نے آج انیس آبادکے علی نگر کالونی میں منعقددعوت افطارمیں شامل ہوئے۔ دعوت افطار کا اہتمام بہار ریاستی سنی وقف بورڈ کے چیئرمین محمد ارشد اللہ کی جانب سے کیا گیا۔وزیر اعلی کو گلدستہ، ٹوپی اور رومال پیش کرکے استقبال کیا گیا۔ افطار کے بعد نماز ادا کی گئی ، جس میں افطار میں شریک وزیر اعلی سمیت تمام روزہ داروں نے ریاست ، سماج اور ملک میں امن ، امان اور بھائی چارے کے ماحول قائم رہنے کی دعا کی۔اس موقع پر آبی وسائل شریک پارلیمانی امور کے وزیر وجے کمار چودھری ، اقلیتی فلاح کےوزیر محمد زماں خان ، قانون ساز کونسل کے رکن غلام غوث ، قانون ساز کونسل کے رکن خالد انور ، سابق مرکزی وزیر سید شاہنواز حسین ، سابق وزیر مناظر حسن ، جے ڈی یو کے قومی جنرل سیکرٹری منیش کمار ورما بہار ریاستی شیعہ وقف بورڈ کے چیئرمین افضل عباس سمیت دیگر معززین اورکثیر تعداد میں روزہ دار موجود تھے۔
