سہرسہ میں مکان کی دیوار گرنے سے تین افراد حادثے کا شکار، ایک کی موت

سہرسہ(سالک کوثر امام)سہرسہ میں اتوار کی صبح تیز بارش اور طوفان کی وجہ سے ایک بڑا حادثہ پیش آیا۔ میونسپل کارپوریشن سہرسہ کے وارڈ 28 میں مکان کی دیوار گرنے سے تین افراد دب گئے۔ حادثے میں ایک خاتون کی موت ہو گئی۔ اس دوران دو دیگر زخمیوں کو علاج کے لیے اسپتال لایا گیا ہے۔موحد جو اس حادثے میں زخمی ہو گیا۔ اقبال نے بتایا کہ کل رات سب لوگ کھا پی کر سو گئے تھے۔ اس دوران رات گئے اچانک آندھی اور بارش کے تیز جھونکے سے مکان کی دیوار گر گئی۔ اقبال کی والدہ 48 سالہ رخسانہ خاتون اس کی زد میں آکر شدید زخمی ہوگئیں۔ ساتھ ہی ان کے دو بچے محمد اقبال (25) اور بہن شہبانہ (20) بھی شدید زخمی ہیں۔ واقعے کے بعد مقامی لوگوں نے تینوں زخمیوں کو فوری طور پر صدر اسپتال پہنچایا۔ خاتون رخسانہ ہسپتال میں دوران علاج دم توڑ گئی۔ ساتھ ہی محمد اقبال (25) اور بہن شہبانہ (20) بھی شدید زخمی ہیں۔ دونوں کا صدر اسپتال میں علاج چل رہا ہے۔رخسانہ کے اہل خانہ کے مطابق اقبال کے والد کا انتقال 2020 میں کورونا سے ہوا تھا۔ لیکن اب تک انہیں کوئی معاوضہ نہیں ملا۔تھانہ سہرسہ صدر نے لاش کو تحویل میں لے کر مزید کارروائی شروع کر دی ہے۔ پولیس افسر امریندر کمار مشرا نے بتایا کہ سبھی کا پوسٹ مارٹم کیا جا رہا ہے اور پوسٹ مارٹم کے بعد لاش لواحقین کے حوالے کر دی جائے گی۔