قومی ترانہ معاملے پر بہار قانون سازیہ میں ہنگامہ

پٹنہ، 21 مارچ (ہ س)۔ بہار قانون ساز اسمبلی کے دونوں ایوانوں میں ا?ج اپوزیشن ارکان نے قومی ترانے کی توہین معاملے پر وزیر اعلیٰ کو گھیر ا۔ اس پورے واقعہ کے درمیان کونسل میں اپوزیشن لیڈر رابڑی دیوی نے نتیش کمارسے ایوان میں معافی کا مطالبہ کیا ہے۔ ہنگامہ ا?رائی کے باعث قانون ساز اسمبلی اور قانون ساز کونسل کی کارروائی نہیں چل سکی۔صحافیوں سے بات کرتے ہوئے رابڑی دیوی نے کہا کہ نتیش کمار نے قومی ترانے کی توہین کی ہے۔ اس سے پوری قوم کی توہین ہوئی ہے۔ نتیش کمار کو ایوان میں کھڑے ہو کر معافی مانگنی چاہیے۔ اگر کوئی وزیر اعلیٰ قومی ترانے کے دوران ایسی حرکت کرتا ہے تو اسے قومی ترانے کی توہین کہا جائے گا۔رابڑی دیوی نے کہا کہ جب قومی ترانہ بجایا جاتا ہے تو لوگ حرکت نہیں کرتے اور سیدھے کھڑے ہوتے ہیں، لیکن وزیر اعلیٰ کبھی کسی کا ابھیوادن کر رہے ہیں اور کبھی ہاتھ ہلا رہے ہیں۔ کیا کوئی وزیر اعلیٰ ایسا سلوک کرتا ہے؟ نتیش کمار معافی مانگیں ورنہ استعفیٰ دیں۔ قومی ترانے کی توہین پر تین سال کی سزا ہے۔ نتیش کمار کو بھی تین سال کی سزا سنائی جائے۔ وزیر اعظم ہو یا وزیر اعلیٰ، اگر کوئی قومی ترانے کی توہین کرے تو اسے تین سال قید کی سزا دی جائے۔قابل ذکر ہے کہ پٹنہ میں ایک پروگرام میں قومی ترانے کے دوران وزیر اعلیٰ نتیش کمار کو اپنے پاس کھڑے دیپک کمار سے بات کرتے ہوئے دیکھا گیا تھا۔ اپوزیشن کا الزام ہے کہ وزیر اعلیٰ نے قومی ترانے کی توہین کی ہے۔