بہارشریف(محمد راشد عالم) نالندہ ضلع سی پی آئی(ایم ایل) کے ضلع دفتر سے ایک احتجاجی مارچ نکالا گیا اور سی پی آئی (ایم ایل) کے ضلعی دفتر کمر الدین گنج سے شروع ہوکر رانچی روڈ سے ہوتے ہوئے ہسپتال موڑ پر بہار حکومت کے بجٹ کی کاپیاں جلائی گئیں۔یہ بجٹ عوام دشمن ہے اور اس میں ان طبقات کو مکمل طور پر نظر انداز کیا گیا ہے جو اپنے حقوق کے لیے مسلسل جدوجہد کر رہے ہیں۔اس بجٹ سے غریبوں، کسانوں، نوجوانوں اور اسکولوں کے باورچیوں کو صرف 1650 روپے ملتے ہیں اور اس پر بھی بہار حکومت کو کوئی شرم نہیں ہے کہ وہ 3 مارچ تک بزرگوں،بیواؤں اور معذوروں کو دی جانے والی پنشن کی رقم بڑھا کر دیں۔انہوں نے ریاستی حکومت سے تمام کسانوں اور غریبوں کو 200 یونٹ بجلی مفت دینے،جھارکھنڈ کی طرح خواتین کی عزت کے لیے 2500 روپے دینے کے علاوہ درجنوں مطالبات شامل ہیں۔شہر کے ہسپتال چوراہا پر بہار حکومت کے اس عوام دشمن،خواتین مخالف بجٹ کی کاپیاں جلا کر احتجاج کیا گیا۔
