بہارشریف(محمد راشد عالم) نالندہ ضلع میں ایک دل دہلا دینے والا واقعہ سامنے آیا ہے۔چنڈی تھانہ علاقے کے بہادر پور گاؤں میں ایک خاتون کو بے دردی سے قتل کر کے اس کی لاش سڑک کے کنارے ایک کھیت میں پھینک دی گئی۔مقامی لوگوں نے لاش دیکھ کر فوری پولیس کو اطلاع دی۔مقتولہ نے نائٹی پہنی ہوئی تھی جس کی سبب خدشہ ظاہر کیا جا رہا ہے کہ قتل سے قبل اسے غیر انسانی تشدد کا نشانہ بنایا گیا ہو گا سب سے خوفناک بات یہ ہے کہ خاتون کے دونوں پیروں میں کئی کیلیں ماری گئی تھیں جس سے قتل کی سفاکیت کا اندازہ لگایا جا سکتا ہے۔لاش کی حالت دیکھ کر اہل علاقہ میں خوف وہراس پھیل گیا اور واقعہ کی اطلاع ملتے ہی تھانہ چنڈی پولیس نے موقع پر پہنچ کر لاش کو تحویل میں لے کر تفتیش شروع کردی۔لاش کی شناخت کے لیے کوششیں کی گئیں تاہم تاحال خاتون کی شناخت نہیں ہوسکی۔پولیس نے لاش کو پوسٹ مارٹم کے لیے بہارشریف صدر ہسپتال بھج دیا ہے اور اسے مردہ خانے میں رکھا گیا ہے تاکہ اس کی شناخت ہوسکے کہ خاتون کو کیوں قتل کیا گیا۔پولیس ہر زاویے سے معاملے کی تفتیش کر رہی ہے جس میں آپسی دشمنی یا نامعلوم شخص کے ہاتھوں قتل کا زاویہ بھی شامل ہے۔پولیس کا کہنا ہے کہ پوسٹ مارٹم رپورٹ اور لاش کی شناخت سے معمہ حل ہونے میں مدد ملے گی،اس گھناؤنے قتل سے علاقے میں خوف کی فضا ہے۔گاؤں والوں کا کہنا ہے کہ ایسا وحشیانہ قتل پہلے کبھی نہیں دیکھا گیا تھا۔پولیس نے مقامی لوگوں سے تعاون کی اپیل کی ہے تاکہ خاتون کی شناخت ہوسکے اور قاتلوں تک پہنچ سکے۔حکام کا دعویٰ ہے کہ کیس جلد حل کر لیا جائے گا اور ملزمان کو گرفتار کر لیا جائے گا۔ہلسا ڈی ایس پی سمت کمار نے اپنے پریس ریلیز میں اس خبر کی تصدیق کرتے ہوئے کہا کہ اس نامعلوم خواتین جس کی عمر تقریبا 25 سے 30 سال کے قریب ہے۔پہچان کے لیے اگل بغل کے ضلع سے بھی رابطہ قائم کیا گیا ہے اور اعلی افسران کے جانب سے اس معاملے کی باریکی سے ترقیقات کی جا رہی ہے۔
