بہارشریف(محمد راشد عالم) نالندہ ضلع کے بختیار پور-راجگیر ریلوے سیکشن پر جمعہ کی رات ایک بڑا حادثہ ٹل گیا۔بہارشریف ریلوے جنکشن اور پاواپوری اسٹیشن ہالٹ کے قریب لنگڑی بیگھہ گاؤں کے قریب ایک بولیرو گاڑی پٹری پر پھنس گئی،جس کے فوراً بعد دانا پور سے راجگیر جانے والی مسافر ٹرین وہاں پہنچی،بولیرو میں سوار مسافر کسی طرح چھلانگ لگا کر اپنی جان بچانے میں کامیاب ہو گئے،لیکن گاڑی کچھ فاصلے پر ہونے کے بعد ٹرین کے نیچے آ گئی اس واقعہ کی اطلاع ملتے ہی ریل ٹریفک مکمل طور پر درہم برہم ہوگئی، محکمہ ریلوے میں کھلبلی مچ گئی۔ریلوے کے اعلیٰ حکام نے فوری طور پر موقع پر پہنچ کر صورتحال کا جائزہ لیا۔مقامی پولیس نے بھی موقع پر پہنچ کر معاملے کی تحقیقات شروع کردی۔تاہم بولیرو میں سوار تمام افراد موقع سے فرار ہو گئے،”یہ غیر قانونی کراسنگ مقامی لوگوں نے بنائی ہے اور اس کا مسلسل استعمال کیا جا رہا ہے،جس سے مسافروں کی جان کو خطرہ ہے،لنگڑی بیگھہ گاؤں کے قریب بنائی گئی اس غیر قانونی کراسنگ کو بند کرنے کے لیے محکمہ ریلوے نے کئی بار کوشش کی ہے،حکام نے کراسنگ کے قریب بنائی گئی غیر قانونی سڑک کو کئی بار کاٹ دیا ہے،لیکن مقامی لوگوں نے اس کو بھرنے کی کوشش کی اور اس سے پہلے کوئی بڑا حادثہ پیش نہیں آیا۔اس پر بہارشریف جنکشن کے منیجر راجیو رنجن نے بتایا کہ غیر قانونی طور پر ٹریک کراس کرنے کے دوران جی آر پی اور آر پی ایف کے اہلکار موقع پر پہنچ گئے ہیں۔
