سیتا مڑھی (پریس ریلیز) نیک اور صالح اولادیں مرحوم والدین کیلیے صدقہ جاریہ ہے اس لیے مسلمانوں پر لازم وضروری ہے کہ اپنی اولادوں کو نیک و صالح بنائیں تاکہ وہ انکے حق میں صدقہ جاریہ کا کام کریں -الحاج محمد ظہیر الاسلام امین مرحوم نے الحمد اللہ اپنی اولاد کو صالح چھوڑکر دنیا سے رخصت ہوئے مذکورہ باتیں پیر طریقت حضرت علامہ سیدشاہ محمد نظرعالم قادری مصباحی جانشین حضور مفسرقران حضرت مفتی محمد ظہور الحسن علیہ الرحمہ سادات پور سیوان نے گزشتہ شب بچھارپور پوپری میں منعقدہ عظمت والدین کانفرنس سے خطاب کرتےہوئے کہیں -انہوں نے اپنے صدارتی بیان میں مزید فرمایا کہ مرحوم ومغفور امین صاحب اس لئے قابل تعظیم ہیں کہ انہوں نے اپنے ایک فرزند حضرت علامہ مفتی حکیم محمد نظر الاسلام رئیس القادری کو مذہبی خدمات کے لئے وقف کر کے دنیا کو خیرآباد کیا ،حضرت مولانا محمد ضیاء الدین صاحب کٹک اڑیسہ نے کہاکہ اولاد کی تعلیم سےزیادہ اس کی تربیت ضروری ہے -خوش نصیب ہیں وہ حضرات جو اپنی اولاد کو مذہبی وملی خدمات کے قابل بنا کر دنیا سے رخصت ہوتے ہیں -قاضی شہر چھپرہ مفتی ڈاکٹر محمد ولی اللہ قادری نے کہاکہ اپنی اولاد کو اتناعلم ضرور دیں کہ نماز روزہ وتدفین کے وقت بھی وہ دوسرے کا محتاج نہ رہے اور سنت مصطفیٰ کے مطابق تجہیز وتدفین کا عمل کر سکے -مفتی ولی اللہ قادری نے مزید کہاکہ وفادار اولاد کی ایک پہنچا ن یہ بھی ہے کہ اپنے مرحومین ماں باپ کے ذمہ اگر فرایض وواجبات قضا ہوں تو اس کی فدیہ ادا کریںصوفی با صفا حضرت مولانا فاروق رضوی نے کہاکہ مرحوم ومغفور محمد ظہیر الاسلام امین صوم وصلوۃ کےپابند تھے،شریعت مطہرہ پر عمل کرنے والے تھے ، کانفرنس سے مولانا غفران رضا قادری ،مولانا قاری جہانگیر القادری ،مولانا عرفان رضا صاحب ،مولانا رضاءالدین مصباحی سیوان وغیرہ نے خطاب کیا ،جناب شکیل نوری سیوان قمر رضا اسلمی ،ضیاءشبنم،قاری حیدر رضا ،گوھر حافظ شاہد ،مولانا نوشاد وغیرہ نے ہدیہ نعت پیش کیا مولانا الحاج خلیق الرحمن صاحب شفیق نوری، حافظ قمر عالم صاحب مولانا غلام احمد رضا مولانا معراج عالم ،مولانا محبوب وغیرہ رونق اسٹیج رہے اور نقابت کے فرایض رستم اقبال نظامی نے انجام دیا -مفتی حکیم محمد نظر الاسلام شمسی اور انکے برادران ظفر الاسلام مظہر الاسلام ماسٹر مظفر الاسلام ،مجاھدالاسلام محمد مختار محمد مرتضے نائب پرمکھ پوپری نوشاد امین نے مہمانوں کی ضیافت میں پیش پیش رہےصلوۃوسلام اور سید مولانا نظر عالم صاحب قبلہ مصباحی کی دعا پر کانفرنس اختتام پذیر ہوا۔
